ന്യൂഡല്‍ഹി: കൊവിഡ് രോഗികള്‍ക്കായി ഹെല്‍പ് ലൈന്‍ ആരംഭിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ‘ഹലോ ഡോക്ടര്‍’ എന്ന പേരിലാണ് ഹെല്‍പ് ലൈന്‍ ആരംഭിച്ചത്. കൂടുതല്‍ ഡോക്ടര്‍മാരോട് ഈ സംരംഭത്തില്‍ പങ്കു ചേരാനും അദ്ദേഹം അഭ്യര്‍ത്ഥിച്ചിട്ടുണ്ട്. ട്വിറ്ററിലൂടെയാണ് രാഹുല്‍ ഇക്കാര്യം അറിയിച്ചത്.
Read Also : കോവിഡ് പ്രതിസന്ധിക്ക് ശമനമില്ല; ഡല്‍ഹിയില്‍ ലോക്ഡൗൺ വീണ്ടും നീട്ടിയേക്കും
രോഗികള്‍ക്ക് ആരോഗ്യപരമായ സംശയനിവാരണങ്ങള്‍ക്കും ഉപദേശങ്ങള്‍ക്കുമായി ‘ഹലോ ഡോക്ടര്‍’ സംവിധാനത്തെ ആശ്രയിക്കാം. ഇതിനായി +919983836838 എന്ന നമ്പറില്‍ ബന്ധപ്പെടാവുന്നതാണ്. എ.ഐ.സി.സിയുടെ സംരംഭമാണ് ‘ഹലോ ഡോക്ടര്‍’.
ഡോക്ടര്‍മാരോടും മെഡിക്കല്‍ മേഖലയിലുള്ള പ്രൊഫഷണലുകളോടും കൊവിഡിനെതിരായ പോരാട്ടത്തിന്റെ ഭാഗമായി ഈ ഹെല്‍പ് ലൈനിന്റെ ഭാഗമാവാന്‍ അഭ്യര്‍ത്ഥിച്ചിട്ടുണ്ട്. ഇത്തരമൊരു പ്രതിസന്ധി ഘട്ടത്തില്‍ രാജ്യത്തിന് അനുകമ്പയും പിന്തുണ പ്രതീക്ഷയും നമ്മളില്‍ നിന്ന് ആവശ്യമാണ്. നിങ്ങളൊരു ഡോക്ടറാണെങ്കില്‍, ദയവായി ഹലോ ഡോക്ടറില്‍ രജിസ്റ്റര്‍ ചെയ്ത് അതിന്റെ ഭാഗമാവൂ എന്നും എ.ഐ.സി.സി ആവശ്യപ്പെടുന്നു.
Post Your Comments