മുൻ അറ്റോർണി ജനറലും അഭിഭാഷകനുമായ സോളി സൊറാബ്ജി കോവിഡ് ബാധിച്ച് അന്തരിച്ചു

ന്യൂഡൽഹി: മുൻ അറ്റോർണി ജനറലും മുതിർന്ന അഭിഭാഷകനുമായ സോളി സൊറാബ്ജി അന്തരിച്ചു. 91 വയസായിരുന്നു. കോവിഡ് ബാധിച്ച് ഡൽഹിയിലെ സ്വകാര്യ ആശുപത്രിയിൽ ചികിത്സയിൽ കഴിയവെയാണ് അന്ത്യം.

Read Also: സംസ്ഥാനത്ത് ശക്തമായ മഴയ്ക്കും കാറ്റിനും കടലാക്രമണത്തിനും സാധ്യത; തീരദേശവാസികൾ ജാഗ്രത പാലിക്കണം; നിർദ്ദേശങ്ങൾ ഇങ്ങനെ

1989-1990, 1998-2004 കാലഘട്ടത്തിൽ അറ്റോർണി ജനറലായി അദ്ദേഹം സേവനം അനുഷ്ഠിച്ചിട്ടുണ്ട്. 1953 ൽ ബോംബെ ഹൈക്കോടതിയിൽ അഭിഭാഷകനായാണ് സോളി സൊറാബ്ജി പ്രാക്ടീസ് ആരംഭിച്ചത്. 2002 ൽ രാജ്യം അദ്ദേഹത്തെ പത്മവിഭൂഷൻ നൽകി ആദരിച്ചിരുന്നു.

1930 ൽ ബോംബെയിൽ ജനിച്ച അദ്ദേഹം സെന്റ് സേവ്യേഴ്സ് കോളേജിലും മുംബൈ ലോ കോളേജിലുമായാണ് പഠനം പൂർത്തിയാക്കിയത്. 1998 മുതൽ 2004 വരെ യുഎൻ സബ് കമ്മീഷനിൽ അദ്ദേഹം ചെയർമാനായിരുന്നു.

Read Also: കോവിഡ്; ടെസ്റ്റ് പോസിറ്റിവിറ്റി നിരക്കിനൊപ്പം ക്ലസ്റ്ററുകളുടെ എണ്ണവും കൂടുന്നു; ആശങ്കാജനകമെന്ന് ആരോഗ്യ വിദഗ്ധർ