കൊൽക്കത്ത: പശ്ചിമ ബംഗാളിൽ കോവിഡ് ബാധിച്ച് സ്ഥാനാർത്ഥി മരിച്ചു. സ്വതന്ത്ര സ്ഥാനാർത്ഥിയായ സമീർ ഘോഷാണ് കോവിഡ് ബാധിച്ച് മരിച്ചത്. ബെസ്‌നാബ്‌നഗർ മണ്ഡലത്തിലെ സ്ഥാനാർത്ഥിയായിരുന്നു സമീർ ഘോഷ്.
അവസാന ഘട്ട തെരഞ്ഞെടുപ്പ് അവസാനിക്കാൻ രണ്ട് ദിവസം മാത്രം ബാക്കിയിരിക്കെയാണ് സമീർ ഘോഷ് മരിച്ചത്. ഇതോടെ ബംഗാളിൽ കഴിഞ്ഞ പത്ത് ദിവസത്തിനിടെ വിവിധ പാർട്ടികളുടെ നാല് സ്ഥാനാർഥികളാണ് കോവിഡ് ബാധിച്ച് മരിച്ചത്.
നേരത്തെ, തൃണമൂൽ കോൺഗ്രസിന്റെ സ്ഥാനാർത്ഥിയായിരുന്ന കാജൽ സിൻഹ, റെവല്യൂഷനറി സോഷ്യലിസ്റ്റ് പാർട്ടി നേതാവ് പ്രദീപ് കുമാർ, കോൺഗ്രസിന്റെ റസൂൽ ഹഖ് എന്നിവരും കോവിഡ് ബാധിച്ച് മരിച്ചിരുന്നു. ഏപ്രിൽ 17ന് തൃണമൂൽ എംഎൽഎയായിരുന്ന അബ്ദുറഹ്മാനും കോവിഡ് ബാധിച്ചാണ് മരിച്ചത്.
Post Your Comments