കൊല്‍ക്കത്ത: നിയമസഭാ തെരഞ്ഞെടുപ്പിന്റെ ചൂടിലാണ് ബംഗാൾ. നന്ദിഗ്രാമില്‍ രണ്ടാംഘട്ട വോട്ടെടുപ്പ് പുരോഗമിക്കുകയാണ്. തൃണമൂല്‍ കോണ്‍ഗ്രസ് – ബി.ജെ.പി സംഘർഷ സാധ്യത നിലനിൽക്കുന്ന പ്രദേശത്ത് ബിജെപി പ്രവര്‍ത്തകന്‍ തൂങ്ങിമരിച്ച നിലയില്‍.
ബി.ജെ.പി പ്രവര്‍ത്തകനായ ഉദയ് ദുബെയെയാണ് തൂങ്ങിമരിച്ച നിലയില്‍ കണ്ടെത്തിയത്. ബേകുട്ടിയ പ്രദേശത്തെ വീട്ടില്‍ വ്യാഴാഴ്ച രാവിലെ തൂങ്ങിമരിച്ചനിലയിലാണ് മൃതദേഹം കണ്ടെത്തിയത്.
read also:‘വികസനവും ക്ഷേമവും ചർച്ച ചെയ്യാൻ തയ്യാറാണോ’?; പ്രതിപക്ഷ നേതാവിന് മുഖ്യമന്ത്രിയുടെ വെല്ലുവിളി
തൃണമൂല്‍ കോണ്‍ഗ്രസ് പ്രവര്‍ത്തകരില്‍നിന്ന് ദുബെ ഭീഷണി നേരിട്ടിരുന്നതായി ബി.ജെ.പി ആരോപിച്ചു. നന്ദിഗ്രാമിലെ ബി.ജെ.പി സ്ഥാനാര്‍ഥിയായ സുവേന്ദു അധികാരിക്കായി വോട്ട് ചോദിച്ച്‌ മാര്‍ച്ച്‌ 30നു സിനിമതാരം മിഥുന്‍ ചക്രബര്‍ത്തി ഉൾപ്പെടെയുള്ളവർ പങ്കെടുത്ത റോഡ് ഷോയില്‍ ഉദയ് ദുബെയും പങ്കെടുത്തിരുന്നു. ഇതിന്റെ പേരിൽ തൃണമൂൽ പ്രവർത്തകർ ഭീഷണിപ്പെടുത്തിയെന്നാണ് ആരോപണം.
Post Your Comments