വാഷിങ്ങ്ടണ്‍: നിയമസഭാ തെരഞ്ഞെടുപ്പിന് തയ്യാറെടുക്കയാണ് കേരളം. രാഷ്ട്രീയ മുന്നണികൾ നോട്ടം ഉറപ്പിച്ചിരിക്കുന്ന നേമം നിയോജക മണ്ഡലത്തിൽ എന്‍ഡിഎ സ്ഥാനാര്‍ത്ഥിയായി മത്സരിക്കുന്ന കുമ്മനം രാജശേഖരന് പിന്തുണയുമായി അമേരിക്കന്‍ മലയാളികള്‍. 2019ൽ കുമ്മനം അമേരിക്ക സന്ദര്‍ശിച്ചപ്പോഴുള്ള അനുഭവം പങ്കുവെച്ചാണ് ഇവര്‍ പിന്തുണ അറിയിച്ചത്.
അമേരിക്കയില്‍ പ്രൊഫസറായ ആര്‍. ജയകൃഷ്ണനാണ് കുമ്മനം 20 ദിവസം യുഎസില്‍ നടത്തിയ സന്ദര്‍ശനത്തെക്കുറിച്ച്‌ വിവരിച്ച്‌ വീഡിയോ പുറത്തിറക്കിയിരിക്കുന്നത്. ”അമേരിക്കയില്‍ എത്തിയ കുമ്മനം സ്ഥലങ്ങള്‍ സന്ദര്‍ശിക്കാന്‍ മുന്‍ഗണന നല്‍കാതെ സങ്കേതിക കാര്യങ്ങളെക്കുറിച്ച്‌ പഠിക്കാനാണ് താല്‍പര്യം കാണിച്ചത്. അമേരിക്ക നേടിയെടുത്ത നേട്ടങ്ങളെക്കുറിച്ച്‌ ചോദിച്ച്‌ മനസിലാക്കിയ കുമ്മനം ഇതൊക്കെ നാട്ടില്‍ എങ്ങനെ നടപ്പിലാക്കുമെന്ന് ചോദിക്കുകയാണ് ഉണ്ടായത്. കേരളത്തിന് പ്രയോജനകരമായ പദ്ധതികളെക്കുറിച്ച്‌ കുമ്മനം ചോദിച്ച്‌ മനസിലാക്കി. കാന്‍സര്‍രോഗ പ്രതിരോധം, വെള്ളപ്പൊക്ക നിയന്ത്രണം, വാഹനാപകടം കുറക്കാനുള്ള മാര്‍ഗങ്ങള്‍ എന്നിവയ്ക്കുള്ള പദ്ധതികളെക്കുറിച്ചാണ് അദേഹം ചോദിച്ച്‌ മനസിലാക്കിയത്”- ആര്‍. ജയകൃഷ്ണന്‍ പറയുന്നു.
എല്ലാകാര്യത്തിലും ദീര്‍ഘവീഷണമുള്ള കുമ്മനത്തെ പോലെയുള്ളവര്‍ മലയാളക്കരയെ നയിക്കണമെന്നും അദ്ദേഹം പറഞ്ഞു.
Post Your Comments