ലോകകപ്പ് യോഗ്യതറൗണ്ട്; ജർമനിക്ക് ജയം

ലോകകപ്പ് യോഗ്യത റൗണ്ടിലെ രണ്ടാം മത്സരത്തിലും ജർമനിക്ക് ജയം. ഗ്രൂപ്പ് ജെയിൽ നടന്ന മത്സരത്തിൽ റൊമാനിയെ എതിരില്ലാത്ത ഒരു ഗോളിനാണ് ജർമനി തോൽപിച്ചത്. കളി ആരംഭിച്ച് പതിനാറാം മിനുട്ടിൽ തന്നെ ജർമ്മനി ആദ്യ ഗോൾ നേടി. ഗ്നാബറി (16) ആണ് ജർമനിയുടെ വിജയ ഗോൾ നേടിയത്. ഐസ്ലാന്റിനെതിരായ കഴിഞ്ഞ മത്സരത്തിലും ഗ്നാബറി ആയിരുന്നു ജർമനിയുടെ വിജയശില്പി.

ഐസ്ലാന്റിനെതിരായ മത്സരത്തിൽ ഗ്നാബറി രണ്ട് ഗോളുകൾക്ക് വഴിയൊരുക്കിയിരുന്നു. ഗ്നാബറി ഇതുവരെ ജർമനിക്കായി കളിച്ച 19 മത്സരങ്ങളിൽ നിന്ന് 15 ഗോളുകൾ നേടിയിട്ടുണ്ട്. ഒപ്പം ആറ് അസിസ്റ്റും താരം കരിയറിൽ കുറിച്ചു. രണ്ട് മത്സരങ്ങളിൽ നിന്ന് ആറു പോയിന്റുമായി ഗ്രൂപ്പ് ജെയിൽ ജർമനിയാണ് ഒന്നാമത് നിൽക്കുന്നത്.