യൂറോപ്പ ലീഗിൽ ആഴ്‌സണൽ ക്വാർട്ടറിൽ; ടോട്ടനം പുറത്ത്

യൂറോപ്പ ലീഗ് പ്രീക്വാർട്ടറിൽ ഇംഗ്ലീഷ് ക്ലബായ ടോട്ടനം പുറത്ത്. ഡൈനാമോ സാഗ്രോബിനോട് 3-0ന്റെ ഞെട്ടിക്കുന്ന തോൽവിയാണ് ടോട്ടനം ഏറ്റുവാങ്ങിയത്. അതേസമയം, ആഴ്‌സണൽ ഇരുപാദത്തിലുമായി ഗോൾ ശരാശരിയുടെ അടിസ്ഥാനത്തിൽ ക്വാർട്ടറിൽ കടന്നു. ഒളിംബിയാക്കോസിനോട് രണ്ടാം പാദത്തിൽ എതിരില്ലാത്ത ഒരു ഗോളിന് ആഴ്‌സണൽ തോറ്റെങ്കിലും ആദ്യപാദത്തിൽ 3-1ന്റെ ജയം അവർക്ക് തുണയായി.

ഒളിംബിയാക്കോസിന്റെ യൂസഫ് അറബിയാണ് (51) ഗോളിലൂടെയാണ് രണ്ടാം പാദ മത്സരം സ്വന്തമാക്കിയത്. ഇരുപാദങ്ങളിലുമായി 3-1ന്റെ ജയം നേടിയതാണ് ആഴ്‌സണലിന് നേട്ടമായത്. ടോട്ടനം ഇരുപാദങ്ങളിലുമായി 3-2ന് പിന്നിലായതോടെയാണ് ക്വാർട്ടർ കാണാതെ പുറത്തായത്. രണ്ടാം പ്രീക്വാർട്ടറിൽ ഹാട്രിക് നേട്ടത്തോടെ ടീമിനെ ക്വാർട്ടറിലെത്തിച്ചത് മിസ്ലാവ് ഓർസികാണ്(62,82,106). സ്വന്തം തട്ടകത്തിൽ 2-0ന് ജയിച്ച ടോട്ടനത്തിന് രണ്ടാം പാദത്തിൽ മേൽകൈ നേടാനാകാതെ പോയി.