ചെന്നൈ : തമിഴ്നാട്ടിലെ ജനങ്ങളെ പോലെ കേരളത്തിലെ ജനങ്ങളും ബി.ജെ.പിക്കെതിരെ വിധിയെഴുത്തുമെന്ന് ഡി.എം.കെ നേതാവും നടനുമായ ഉദയാനിധി സ്റ്റാലിൻ. കേരളത്തിലെ ജനങ്ങൾ ഫാസിസ്റ്റുകളായ ബി.ജെ.പിക്ക് നാട്ടിൽ ഇടം കൊടുക്കില്ലെന്ന വിശ്വാസമുണ്ടെന്നും ഉദയാനിധി സ്റ്റാലിൻ പറഞ്ഞു. മാതൃഭൂമിക്ക് നൽകിയ അഭിമുഖത്തിലാണ് ഉദയാനിധി സ്റ്റാലിൻ ഇക്കാര്യം പറഞ്ഞത്.
പ്രധാനമന്ത്രി നരേന്ദ്രമോദി തമിഴ്നാടിനെ ശത്രുവിനേപ്പോലെയാണ് കാണുന്നത്. മധുരൈ എയിംസിന് തറക്കല്ലിട്ട് പോയതാണ്. ഇപ്പോൾ ആ സ്ഥാനത്ത് കല്ലുപോലുമില്ല. ഇപ്പോൾ തിരഞ്ഞെടുപ്പടുത്തപ്പോൾ ചില കാര്യങ്ങൾ പറഞ്ഞിട്ട് പോയിരിക്കുകയാണ്. എ.ഐ.എ.ഡി.എം.കെ മോദിയുടെ അടിമയായിരിക്കുന്നെന്ന് ജനങ്ങൾക്ക് മനസിലായിരിക്കുന്നു എന്നും ഉദയാനിധി പറഞ്ഞു.
Read Also : ഏറ്റുമാനൂരുമില്ല വൈപ്പിനുമില്ല എങ്കിൽ ഇനി സ്വാതന്ത്ര്യ സ്ഥാനാർഥിയായേക്കാമെന്ന് ലതിക സുഭാഷ്
അതേസമയം, ചെന്നൈ ചെപ്പോക്ക് മണ്ഡലത്തിൽ താര പോരാട്ടം നടക്കുമെന്നായിരുന്നു റിപ്പോർട്ടുകൾ. നടി ഖുഷ്ബുവായിരുന്നു ഉദയനിധി സ്റ്റാലിനെതിരെ മത്സരിക്കുമെന്ന് പറഞ്ഞിരുന്നത്. എന്നാൽ ഖുഷ്ബു മത്സരിക്കുന്നത് തൗസന്റ് ലൈറ്റ്‌സ് മണ്ഡലത്തിലായതോടെ ആ മത്സരം നടന്നില്ല.
Post Your Comments