ഐലീഗ് കിരീടം ലക്ഷ്യം വെച്ച് ഇറങ്ങിയ ഗോകുലം കേരളയ്ക്ക് സമനില. ലീഗിൽ റിയൽ കാശ്മീരിനെ നേരിട്ട ഗോകുലം കേരളയ്ക്ക് 1-1 സ്കോറിന് സമനില വഴങ്ങി. മത്സരത്തിന്റെ ആദ്യപാദത്തിൽ റിയൽ കാശ്മീർ (13) മുന്നിലെത്തി. ഗോകുലം ഡിഫൻസിന്റെ പിഴവ് മുതലെടുത്ത ബാസിത് അഹമ്മദാണ് റിയൽ കാശ്മീരിന് ലീഡ് നൽകിയത്. മത്സരത്തിന്റെ 24-ാം മിനുട്ടിൽ തന്നെ റിയൽ കാശ്മീരിന്റെ നെഞ്ച് തുളച്ച് ഗോകുലം ഗോൾ മടക്കി.
കളിയുടെ ഉടനീളം വിജയ ഗോളിനായി ശ്രമിച്ചുവെങ്കിലും ഗോകുലം സമനില കൊണ്ട് തൃപ്തിപ്പെടേണ്ടി വന്നു. ഈ സമനില ഐലീഗ് കിരീടം പോരാട്ടത്തിൽ ചർച്ചിലിന്റെ കിരീട മോഹങ്ങൾക്ക് കുരുക്കിടാമെന്ന ഗോകുലത്തിന്റെ മോഹങ്ങൾക്ക് തിരിച്ചടിയായി. 13 കളിയിൽ നിന്നും 23 പോയിന്റുമായി ഗോകുലം മൂന്നാം സ്ഥാനത്താണ്. ലീഗിൽ ഗോകുലം കേരളയ്ക്ക് ഇനി രണ്ട് മത്സരങ്ങൾ മാത്രമെ ബാക്കിയുള്ളു.
Post Your Comments