യൂറോപ്പ ലീഗ് മാഞ്ചസ്റ്റർ യുണൈറ്റഡ് എസി മിലാൻ മത്സരം സമനിലയിൽ

യൂറോപ്പ ലീഗിന്റെ പ്രീക്വാർട്ടർ ആദ്യ പാദത്തിൽ മാഞ്ചസ്റ്റർ യുണൈറ്റഡ് എസി മിലാൻ മത്സരം സമനിലയിൽ. യൂറോപ്പിലെ തുല്യശക്തികൾ തമ്മിൽ ഏറ്റുമുട്ടിയപ്പോൾ മത്സരം 1-1 സമനിലയിൽ അവസാനിച്ചു. ബ്രൂണോ ഫെർണാണ്ടസിന്റെ അസിസ്റ്റിൽ (50) ഡെയ്ലിന്റെ ഗോളിൽ യുണൈറ്റഡ് ലീഡ് നേടി. യുണൈറ്റഡ് ജയം ഉറപ്പിച്ച നിമിഷം കജെറിലൂടെ (90+2) ഇഞ്ചുറിടൈമിൽ മിലാൻ ഗോൾ മടക്കി.

അതേസമയം, യൂറോപ്പ ലീഗിലെ മറ്റ് മത്സരങ്ങളിൽ ഒളിംബിയാക്കോസിനെ ആഴ്‌സണൽ 3-1 ന് തോൽപിച്ചു.  ഡൈനാമോ സെഗരിബിനെ ടോട്ടൻഹാം എതിരില്ലാത്ത രണ്ട്‍ ഗോളിന് തോൽപ്പിച്ച്. ഷാക്തർ ഡൊണറ്റസ്കിനെ റോമ എതിരില്ലാത്ത മൂന്ന് ഗോളിനും ഡൈനാമോ കെവിനെ വിയ്യാറൽ എതിരില്ലാത്ത രണ്ട് ഗോളിനും തോൽപിച്ചു.