അബുദാബി: യുഎഇയില്‍ ഇന്ന് 2,204 പേര്‍ക്ക് കൂടി കൊറോണ വൈറസ് രോഗബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം ഇന്ന് അറിയിക്കുകയുണ്ടായി. കോവിഡ് ചികിത്സയിലായിരുന്ന 1,693 പേര്‍ രോഗമുക്തരായപ്പോള്‍ എട്ട് കൊവിഡ് മരണങ്ങളാണ് കഴിഞ്ഞ 24 മണിക്കൂറിനിടെ രാജ്യത്ത് റിപ്പോര്‍ട്ട് ചെയ്തത്.
2,42,026 കൊവിഡ് പരിശോധനകള്‍ കൂടി രാജ്യത്ത് നടത്തുകയുണ്ടായി. 3.26 കോടി പരിശോധനകളാണ് രാജ്യത്ത് ഇതുവരെ നടത്തിയിരിക്കുന്നത്. ഇതുവരെയുള്ള കണക്കുകള്‍ പ്രകാരം 4,17,909 പേര്‍ക്ക് യുഎഇയില്‍ ഇതിനോടകം കൊറോണ വൈറസ് രോഗം സ്ഥിരീകരിച്ചു. ഇവരില്‍ 3,98,126 പേരാണ് രോഗമുക്തരായത്. 1,353 പേർ രാജ്യത്ത് കൊവിഡ് കാരണം മരിച്ചു. നിലവില്‍ 18,430 കൊവിഡ് രോഗികള്‍ രാജ്യത്തുണ്ടെന്ന് ഔദ്യോഗിക കണക്കുകള്‍ വ്യക്തമാക്കുന്നു.
Post Your Comments