ഐസിസി പ്ലെയർ ഓഫ് ദി മന്ത് പുരസ്‌കാരം ആർ അശ്വിന്

ഐസിസി പുതുതായി ആരംഭിച്ച പ്ലെയർ ഓഫ് ദി മന്തെന്ന ആദ്യത്തെ രണ്ട് പുരസ്‌കാരങ്ങൾ സ്വന്തമാക്കി ടീം ഇന്ത്യ. ഇന്ത്യൻ ഓഫ് സ്പിന്നർ ആർ അശ്വിനാണ് ഐസിസിയുടെ പുതിയ പ്ലെയർ ഓഫ് ദി മന്തായി തിരഞ്ഞെടുക്കപ്പെട്ടത്. ജനുവരിയിൽ ഈ പുരസ്‌കാരം ഇന്ത്യൻ യുവ വിക്കറ്റ് കീപ്പർ റിഷഭ് പന്തിനായിരുന്നു. ഇംഗ്ലണ്ടിനെതിരേ നടന്ന ടെസ്റ്റ് പരമ്പരയിലെ മികച്ച പ്രകടനമാണ് അശ്വിനെ അവാർഡിന് അർഹനാക്കിയത്.

ഇംഗ്ലണ്ടിനെതിരേ ഇന്ത്യ 3-1ന് ജയിച്ച ടെസ്റ്റ് പരമ്പരയിലെ മാൻ ഓഫ് ദി സീരിസായി തിരഞ്ഞെടുക്കപ്പെട്ടതും അശ്വിനായിരുന്നു. അവാർഡിനായി പരിഗണിച്ച കാലയളവിൽ അശ്വിൻ 24 വിക്കറ്റുകൾ വീഴ്ത്തുന്നതിനൊപ്പം ഒരു സെഞ്ച്വറിയും തന്റെ പേരിൽ കുറിച്ചിരുന്നു. ചെന്നൈയിൽ ഇന്ത്യ ജയിച്ച രണ്ടാം ടെസ്റ്റിന്റെ രണ്ടാന്നിങ്സിലായിരുന്നു അശ്വിന്റെ സെഞ്ച്വറി. ഈ പ്രകടനമാണ് താരത്തിനെ പ്ലെയർ ഓഫ് ദി മന്ത് പുരസ്‍കാരത്തിന് അർഹനാക്കിയത്.