ഉറവിടം വ്യക്തമല്ലാത്ത 220 കോടി പിടിച്ചെടുത്തു; എന്തുചെയ്യണമെന്നറിയാതെ ആദായനികുതി വകുപ്പ്

ചെന്നൈ: ഉറവിടം വ്യക്തമല്ലാത്ത പണം കണ്ടെത്തി ആദായനികുതി വകുപ്പ്. തമിഴ്​നാട്ടില്‍ നിന്നാണ് 220 കോടിയുടെ അനധികൃത സമ്പാദ്യം​ പിടിച്ചെടുത്തത്. ആദായനികുതി വകുപ്പ്​ നടത്തിയ റെയ്​ഡിലാണ് ഉറവിടം വ്യക്തമല്ലാത്ത പണം കണ്ടെത്തിയത്. ടൈല്‍സും സാനിട്ടറിവെയറുകളും നിര്‍മ്മിക്കുന്ന ദക്ഷിണേന്ത്യയിലെ പ്രമുഖ കമ്പനിയിലാണ്​ റെയ്​ഡ്​ നടത്തിയത്​.ഇവയുടെ ഉറവിടം വ്യക്തമാക്കാന്‍ ഉടമകള്‍ക്ക്​ സാധിച്ചിട്ടില്ല.

Read Also: സർക്കാർ ക്രിമിനലൈസേഷൻ: വിജിലൻസ് കേസ് പ്രതിക്ക് ഉന്നത തസ്തികയിൽ നിയമനം

എന്നാൽ ഫെബ്രുവരി 26ന്​ തമിഴ്​നാട്​, ഗുജറാത്ത്​, കൊല്‍ക്കത്ത എന്നിവിടങ്ങളിലെ 20 ഓളം ഇടങ്ങളിലായിരുന്നു പരിശോധന​. 8.30 കോടി രൂപയും ക​ണ്ടെടുത്തവയില്‍ ഉള്‍പ്പെടും. 220കോടിയുടെ ഉറവിടം വ്യക്തമല്ല. തമിഴ്​നാട്ടില്‍ തെരഞ്ഞെടുപ്പിനോട്​ അനുബന്ധിച്ച്‌​ ആദായനികുതി വകുപ്പ്​ കനത്ത നിരീക്ഷണത്തിലാണ്​. വോട്ടര്‍മാരെ സ്വാധീനിക്കാന്‍ പണം ഒഴുക്കുന്നത്​ തടയുന്നതിനായാണ്​ ഇത്​. ഏപ്രില്‍ ആറിന്​ ഒറ്റഘട്ടമായാണ്​ തമിഴ്​നാട്ടിലും പു​തുച്ചേരിയിലും തെരഞ്ഞെടുപ്പ്​.