ശ്രീനഗര്‍: രാജ്യത്തെ നടുക്കിയ പുല്‍വാമ ആക്രമണത്തിന്റെ രണ്ടാം വാര്‍ഷിക ദിനത്തില്‍ ജമ്മു ബസ് സ്റ്റാന്റില്‍ നിന്ന് ഏഴ് കിലോ സ്‌ഫോടക വസ്തുക്കള്‍ കണ്ടെടുത്തു. സംഭവത്തിന് പിന്നില്‍ ആരാണെന്ന് വ്യക്തമല്ല. പുല്‍വാമാ വാര്‍ഷികത്തിന്റെ പശ്ചാത്തലത്തില്‍ ശക്തമായ സുരക്ഷയാണ് ജമ്മുകാശ്മീരില്‍ ഏര്‍പ്പെടുത്തിരിക്കുന്നത്. ബസ് സ്റ്റാന്റില്‍ പരിശോധന നടത്തുന്നതിനിടെയാണ് സ്‌ഫോടക വസ്തുക്കള്‍ കണ്ടെടുത്തതെന്നാണ് റിപ്പോര്‍ട്ട്. പ്രദേശത്തേക്ക് കൂടുതല്‍ സൈന്യം എത്തിയിട്ടുണ്ട്. ബസ് സ്റ്റാന്റിലും പരിസര പ്രദേശങ്ങളിലും സൈന്യവും പൊലീസും ചേര്‍ന്ന് കൂടുതല്‍ പരിശോധനകള്‍ നടത്തുന്നുണ്ട്.
Read Also : യുവാവിന്റെ ആത്മഹത്യയിലേയ്ക്ക് നയിച്ചത് ഹണി ട്രാപ്പ്, വീഡിയോ കോളില്‍ നഗ്നയായ പെണ്‍കുട്ടിയ്‌ക്കൊപ്പം ചാറ്റ്
രണ്ടുവര്‍ഷം മുമ്പ് പുല്‍വാമയില്‍ ഭീകരര്‍ നടത്തിയ ആക്രമണത്തില്‍ 40 സി ആര്‍ പി എഫ് ജവാന്മാരാണ് വീരമൃത്യു വരിച്ചത്. 2019 ഫെബ്രുവരി 14-നായിരുന്നു രാജ്യത്തെ ഞെട്ടിച്ച ആക്രമണം നടന്നത്. ഉച്ചകഴിഞ്ഞ് മൂന്നുമണിയോടെ അവധി കഴിഞ്ഞുമടങ്ങുന്നവര്‍ അടക്കം 2547 ജവാന്മാര്‍ 78 വാഹനങ്ങളിലായി ജമ്മുവില്‍നിന്ന് ശ്രീനഗറിലേക്കു പോകുമ്പോള്‍ ദേശീയപാതയില്‍ പുല്‍വാമ ജില്ലയിലെ അവന്തിപ്പോറയ്ക്കു സമീപത്തുവച്ചായിരുന്നു ഭീകരരുടെ ആക്രമണം.
Post Your Comments