പതിനാലുകാരിയെ പ്രണയം നടിച്ചു പീഡിപ്പിച്ച കേസ് ; യുവാവ് അറസ്റ്റിൽ

ആയൂർ : പ്രായപൂർത്തിയാകാത്ത പെൺകുട്ടിയെ പ്രണയം നടിച്ചു പീഡിപ്പിച്ച ശേഷം സ്വർണാഭരണം അപഹരിച്ചു. സംഭവത്തിൽ ഇളമാട് സ്വദേശി ഷെഹിനെ (24) അറസ്റ്റ് ചെയ്തു.

സ്വർണമാല കാണാതിരുന്നതിനെ തുടർന്നു പെൺകുട്ടിയുടെ വീട്ടുകാർ പൊലീസിൽ പരാതി നൽകിയിരുന്നു. തുടർന്നു നടത്തിയ അന്വേഷണത്തിലാണു മോഷണവും പീഡന വിവരവും പുറത്തറിയുന്നത്. ഇയാൾ ഏരൂർ, പൂയപ്പള്ളി സ്റ്റേഷനുകളിലെ കേസുകളിലും പ്രതിയാണെന്നു പൊലീസ് പറഞ്ഞു. സ്വർണമാല പ്രതിയുടെ വീട്ടിൽ നിന്നു കണ്ടെത്തിയിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.