കോവളം: ബിജെപിയ്‌ക്കെതിരെ വിമർശനങ്ങൾ ഉന്നയിച്ച് ഡോ. ശശിതരൂര്‍ എം.പി. ലോക്സഭയില്‍ ഭൂരിപക്ഷമുണ്ടെന്ന അഹങ്കാരമാണ് പ്രധാനമന്ത്രി നരേന്ദ്രമോദിക്കെന്നും ഭൂരിപക്ഷമുണ്ടെന്നുകരുതി എന്തുമാകാമെന്ന് പ്രധാനമന്ത്രിയും ബി.ജെ.പിയും കരുതരുതെന്നും ശശിതരൂര്‍. കര്‍ഷക ബില്ലിനെതിരെ ഡല്‍ഹിയില്‍ സമരം ചെയ്യുന്ന കര്‍ഷകര്‍ക്ക് ഐക്യദാര്‍ഢ്യം പ്രഖ്യാപിച്ച്‌ കെ.എസ്.യു കോവളം നിയോജക മണ്ഡലം പ്രസിഡന്‍റ് സച്ചിന്‍ സൈമന്റെ നേതൃത്വത്തില്‍ നടത്തിയ ജയ് കിസാന്‍ ട്രാക്ടര്‍ റാലി പുതിയതുറയില്‍ ഉദ്ഘാടനം ചെയ്യുകയായിരുന്നു അദ്ദേഹം.
Read Also: വിജയസാദ്ധ്യത പരിശോധിക്കാനൊരുങ്ങി രാഹുൽ ഗാന്ധി
വിഴിഞ്ഞത്ത് നടന്ന സമാപന സമ്മേളനം എം.വിന്‍സെന്‍റ് എം.എല്‍.എ ഉദ്ഘാടനം ചെയ്തു. ഡി.സി.സി ജനറല്‍ സെക്രട്ടറി വിന്‍സെന്‍റ് ഡി. പോള്‍, കോണ്‍ഗ്രസ് ബ്ലോക്ക് പ്രസിഡന്‍റ് ആര്‍. ശിവകുമാര്‍, ജില്ല പഞ്ചായത്തംഗം സി.കെ. വത്സലകുമാര്‍, പുഷ്പം സൈമണ്‍, പ്രവാസി കോണ്‍ഗ്രസ് സംസ്ഥാന ജനറല്‍ സെക്രട്ടറി അയ്യൂബ്ഖാന്‍ എന്നിവര്‍ പങ്കെടുത്തു.
Post Your Comments