ന്യൂഡൽഹി : കോവിഡ് കാലത്ത് രാജ്യം ലോകത്തെ സഹായിച്ചതിന്റെ നേട്ടം എല്ലാവരുടേതുമാണെന്ന് പ്രധാനമന്ത്രി നരേന്ദ്രമോദി. ഇന്ത്യയുടെ കോവിഡ് കാലത്തെ ഉണർന്നെഴുന്നേൽക്കൽ ലോകത്തിന് മുഴുവൻ ആത്മവിശ്വാസം പകർന്നുവെന്നും പ്രധാനമന്ത്രി പറഞ്ഞു.
തെരുവിലിറങ്ങുന്ന ഒരു വൃദ്ധയായ അമ്മപോലും തന്റെ കൂരയ്ക്ക് മുന്നിൽ രാജ്യത്തെ കോവിഡ് പ്രതിരോധത്തിനായി ദീപം തെളിയിച്ച നാടാണിതെന്നും പ്രധാനമന്ത്രി ഓർമ്മിപ്പിച്ചു. രാജ്യസഭയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.
കോവിഡ് കാലത്തെ നേട്ടം ഒരു സർക്കാറിന്റെ മാത്രമല്ല. ഈ രാജ്യത്തെ അനേകം സാധാരണക്കാരന്റെ കൂടിയാണെന്നും പ്രധാനമന്ത്രി പറഞ്ഞു. എന്നാൽ പ്രതിപക്ഷം എല്ലാറ്റിനോടും മുഖം തിരിക്കുകയാണ്. നാടിന്റെ നേട്ടത്തെ വിളിച്ചുപറയാൻ മടിക്കുന്ന പ്രതിപക്ഷത്തിന്റെ മാനസികാവസ്ഥ നിരാശാജനകവും അമ്പരപ്പിക്കുന്നതുമാണെന്നും പ്രധാനമന്ത്രി കുറ്റപ്പെടുത്തി.
Post Your Comments