ഓയൂർ: നിയന്ത്രണം വിട്ട് വന്ന കാർ തോട്ടിലേക്ക് മറിഞ്ഞു അപകടം. ഇന്നലെ വൈകിട്ട് 5.20നാണ് സംഭവം. അപകടത്തിൽ 6 പേർക്ക് പരിക്കേറ്റു. വെട്ടിക്കവല കൃഷ്ണവിലാസത്തിൽ ആർ.മനോജ് (45),സഹോദരി മരുതമൺപള്ളി കാറ്റാടി നന്ദനത്തിൽ മനീഷ (28), ഇവരുടെ ഭർതൃമാതാവ് രമണിയമ്മ (65), കൊച്ചുമക്കളായ മാളവിക (9) ,വൈഗ (9) സഞ്ജയ് (7) എന്നിവർക്കാണ് പരുക്കേറ്റത്.
വെട്ടിക്കവലയിലെ ബന്ധുവിന്റെ ഗൃഹപ്രവേശനച്ചടങ്ങ് കഴിഞ്ഞ് വീട്ടിലേക്ക് പോകുന്നതിനിടെ പൂയപ്പള്ളി പൊലീസ് സ്റ്റേഷന് സമീപത്ത് കാർ ഇടുങ്ങിയ തോട്ടിലേക്ക് മറിയുകയായിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
Post Your Comments