കോവിഡ് വാക്‌സിനേഷനിൽ മികച്ച പ്രതികരണവുമായി ജമ്മുകശ്മീർ

ശ്രീനഗർ : കോവിഡ് വാക്‌സിനേഷനിൽ മുന്നേറി ജമ്മുകശ്മീർ. ആരോഗ്യപ്രവർത്തകരുടെ വാക്‌സിനേഷൻ 15000 കടന്നിരിക്കുകയാണ് ജമ്മുകശ്മീരിൽ. 162 കേന്ദ്രങ്ങളിലായാണ്
ഇവിടെ  വാക്‌സിനേഷൻ നടക്കുന്നത്.

ജനുവരി 16ന് രാജ്യത്ത് വാക്‌സിനേഷൻ നടപടികൾ പ്രധാനമന്ത്രി ഉദ്ഘാടനം ചെയ്ത അന്നുതന്നെ കേന്ദ്രഭരണ പ്രദേശമായ ജമ്മുകശ്മീരിലും ലഡാക്കിലും വാക്‌സിനേഷൻ ആരംഭിച്ചിരുന്നു.

ഒരു കേന്ദ്രത്തിൽ 100 പേർക്കാണ് ഒരു ദിവസം വാക്‌സിൻ നൽകുന്നത്. ഈ പ്രവർത്തനം ഒരു മുടക്കമില്ലാതെ നടക്കുന്നതായും ജമ്മു ഹെൽത്ത് കമ്മീഷണർ അറിയിച്ചു.ഫെബ്രുവരി 15വരെ ആദ്യ ഘട്ടം തുടരുമെന്നും ജമ്മുകശ്മീർ ഭരണകൂടം പറഞ്ഞു.