ചെങ്ങന്നൂർ: നാല് വയസ്സുകാരിയുടെ മാല മോഷണം പോയ കേസിൽ പ്രതി അറസ്റ്റിൽ ആയിരിക്കുന്നു. പുലിയൂർ തോന്നക്കാട് പൊറ്റമേൽക്കടവ് ചാത്തമേൽക്കുറ്റി അഭിലാഷ് ഭവനത്തിൽ അഭിലാഷിനെയാണ് (38) പോലീസ് അറസ്റ്റ് ചെയ്തിരിക്കുന്നത്. കുട്ടിയുടെ അയൽവാസിയാണ് അറസ്റ്റിലായ അഭിലാഷ്. നാല് വയസ്സുകാരി കളിച്ചുകൊണ്ടിരുന്നതിനിടെയാണ് അഭിലാഷ് മോഷണം നടത്തിയത്. തുടർന്ന് വീട്ടുകാർക്ക് സംശയം തോന്നി പൊലീസിൽ പരാതി നൽകുകയായിരുന്നു ഉണ്ടായത്. ചെങ്ങന്നൂർ ബസ് സ്റ്റാൻഡിൽനിന്നാണ് എസ്.ഐ എസ്.വി. ബിജുവിന്റെ നേതൃത്വത്തിൽ പ്രതിയെ പിടികൂടിയത്. ചോദ്യം ചെയ്യലിൽ പ്രതി കുറ്റം സമ്മതിച്ചു.
Post Your Comments