രാജ്യത്ത് ആശങ്ക, അതിതീവ്ര വൈറസ് എട്ടുപേര്‍ക്ക് കൂടി റിപ്പോർട്ട് ചെയ്തു

ഡല്‍ഹി : രാജ്യത്ത് ബ്രിട്ടനില്‍ പടരുന്ന ജനിതക വ്യതിയാനം വന്ന അതിതീവ്ര വൈറസ് രോഗ ബാധ എട്ടുപേരില്‍ കൂടി റിപ്പോർട്ട് ചെയ്തിരിക്കുന്നു. ഇതോടെ അതിതീവ്ര വൈറസ് ബാധ കണ്ടെത്തിയവരുടെ എണ്ണം 90 ആയി ഉയർന്നിരിക്കുകയാണ്. കേന്ദ്ര ആരോഗ്യമന്ത്രാലയം ആണ് ഇക്കാര്യം അറിയിക്കുകയുണ്ടായത്. രോഗബാധ സ്ഥിരീകരിച്ചവരെയെല്ലാം പ്രത്യേക നിരീക്ഷണത്തിലാക്കിയിരിക്കുന്നു. അതിതീവ്ര വ്യാപന ശേഷിയുള്ളതാണ് പുതിയ വൈറസ്. രോഗം തദ്ദേശീയമായി പടരാനുള്ള സാധ്യത തള്ളാനാകില്ലെന്നാണ് വിദഗ്ധരുടെ വിലയിരുത്തല്‍. പുതിയ വൈറസിനെ കണ്ടെത്തിയ സാഹചര്യത്തില്‍ തുറമുഖങ്ങളിലും വിമാനത്താവളങ്ങളിലും നിരീക്ഷണം കര്‍ശനമാക്കി.