കൊല്ലം: കൊട്ടിയം പോലീസിന്റെ കസ്റ്റഡിയിൽനിന്ന് രക്ഷപ്പെട്ട പ്രതിയും സുഹൃത്തുക്കളും അറസ്റ്റിൽ ആയിരിക്കുന്നു. ബൈക്ക് യാത്രക്കാരനെ ഇടിച്ചിട്ട ശേഷം വെട്ടിക്കൊലപ്പെടുത്താൻ ശ്രമിച്ച കേസിലെ പ്രതികളെ തമിഴ്നാട്ടില്‍ നിന്നാണ് അറസ്റ്റ് ചെയ്തിരിക്കുന്നത്. കഴിഞ്ഞ ജൂണില്‍ ഡീസന്റ് മുക്കിൽ വെച്ച് ബൈക്ക് യാത്രക്കാരനെ വാഹനത്തില്‍ നിന്നു തള്ളിയിട്ട ശേഷം വെട്ടിക്കൊലപ്പെടുത്താൻ ശ്രമിച്ച കേസിലാണ് ഇവരെ അറസ്റ്റ് ചെയ്തത്. ആദർശ്, അരുൺകുമാർ, ശ്രീഹരി എന്നിവരെ കൊട്ടിയം പൊലീസ് അന്നു തന്നെ പിടികൂടിയിരുന്നു.
ശ്രീഹരി സ്റ്റേഷനില്‍ നിന്നു പൊലീസനെ വെട്ടിച്ചു കടന്നു കളയുകയാണ് ഉണ്ടായത്. ചെന്നൈയില്‍ ഒളിവില്‍ കഴിയുകായിരുന്ന പ്രതിയെ അവിടെ നിന്നും പോലീസ് പിടികൂടുകയായിരുന്നു. ഇയാളോടൊപ്പമുണ്ടായിരുന്ന പ്രശാന്ത്, ഷൈൻ ബാബു എന്നിവരെയും പോലീസ് അറസ്റ്റു ചെയ്യുകയുണ്ടായി. പ്രതികളെ കോടതി റിമാന്‍ഡ് ചെയ്തു. കേസില്‍ കൂടുതല്‍ അറസ്റ്റുണ്ടാകുമെന്ന് അന്വേഷണ ഉദ്യോഗസ്ഥര്‍ അറിയിച്ചു.
Post Your Comments