കൊച്ചി: ലുലു മാളില്‍ നഗ്നതാ പ്രദര്‍ശനം നടത്തിയ യുവാവിന്റെ ചിത്രം പൊലീസ് പുറത്തുവിട്ടു. ആലപ്പുഴ സ്വദേശിനിയാണ് തനിക്കുണ്ടായ അപമാനത്തെക്കുറിച്ച്‌ പൊലീസില്‍ പരാതി നല്‍കിയത്. മാളിലെ രണ്ടാം നിലയില്‍ വെച്ചു യുവാവ് നഗ്നതാ പ്രദര്‍ശനം നടത്തിയെന്നാണു പരാതിയില്‍ പറയുന്നത്. ലുലു മാളില്‍ വച്ച്‌ സ്വകാര്യ ഭാഗം പ്രദര്‍ശിപ്പിച്ചെന്ന ആലപ്പുഴ സ്വദേശിനിയുടെ പരാതിയില്‍ കളമശേരി പൊലീസ് കേസെടുത്തിരുന്നു.
ഈ മാസം 25 നായിരുന്നു സംഭവം നടന്നത്.പരാതിയുടെ അടിസ്ഥാനത്തില്‍ പൊലീസ് ഷോപ്പിങ് മാളിലെത്തി സിസിടിവി ദൃശ്യങ്ങള്‍ ശേഖരിച്ചു. തുടര്‍ന്നാണ് പ്രതിയെ തിരിച്ചറിഞ്ഞത്. യുവതിയുടെ മൊഴി രേഖപ്പെടുത്തിയ പൊലീസ് സംഭവം നടന്ന് വസ്ത്രവ്യാപാര സ്ഥാപനത്തിലെ സിസിടിവി ദൃശ്യങ്ങള്‍ പരിശോധിച്ച്‌ പ്രതിയുടെ ദൃശ്യങ്ങള്‍ പുറത്തുവിട്ടു.
read also: ആലപ്പുഴ നഗരസഭയിലെ പ്രകടനം: മൂന്ന് ബ്രാഞ്ച് സെക്രട്ടറിമാരെ പുറത്താക്കി
യുവാവിന്റെ പേര് വിവരങ്ങള്‍ അറിയാനായി അന്വേഷണം ആരംഭിച്ചിട്ടുണ്ട്. അടുത്തിടെ മലയാളത്തിലെ യുവ നടിയെ മാളില്‍ വെച്ച്‌ അപമാനിക്കാന്‍ ശ്രമം നടന്നിരുന്നു. സംഭവത്തില്‍ പ്രതികളായ യുവാക്കളെ പൊലീസ് അറസ്റ്റ് ചെയ്തിരുന്നു.
Post Your Comments