പാലക്കാട് ദുരഭിമാനക്കൊല: കൊലപാതകം ആസൂത്രണം ചെയ്തത് ഹരിതയുടെ മുത്തച്ഛൻ; നിർണ്ണായക വെളിപ്പെടുത്തൽ

പാലക്കാട്: തേങ്കുറിശ്ശി ദുരഭിമാനക്കൊല ആസൂത്രണം ചെയ്തത് ഹരിതയുടെ അച്ഛൻ പ്രഭുകുമാറിൻ്റെ പിതാവാണെന്ന് കൊല്ലപ്പെട്ട അനീഷിൻ്റെ അച്ഛൻ അറുമുഖൻ. ഹരിതയുടെ കുടുംബാംഗങ്ങൾ നിരവധി തവണ വീട്ടിലെത്തി ഭീക്ഷണിപ്പെടുത്തിയിരുന്നു. പോലീസിന് പരാതി നൽകിയിട്ടും അന്വേഷിച്ചില്ല  എന്നും അനീഷിന്‍റെ പിതാവ് ആരോപിച്ചു.

Also related: യുവതിയുടെ മൃതശരീരം കിണറ്റില്‍ ; ബന്ധുക്കള്‍ കാമുകനെ കെട്ടിയിട്ട് ക്രൂരമായി മര്‍ദ്ദിച്ചു

മുൻകൂട്ടി തയ്യാറാക്കിയ പദ്ധതിയുടെ ഭാഗമായി കൃത്യമായി ആസൂത്രണം ചെയ്തതാണ് കൊലപാതമെന്നും അമ്മാവൻ സുരേഷ് നിരവധി തവണ വീട്ടിലെത്തി ഭീക്ഷണിപ്പെടുത്തുകയും ഫോൺ എടുത്തു കൊണ്ട് പോയതായും അറുമുഖൻ മാധ്യമങ്ങളോട് പറഞ്ഞു.

Also related: ‘ഒരു മിനിട്ട് എടുത്തില്ല, ആ യുവാവ് ഒരു മനുഷ്യശരീരവും കാലിൽ പിടിച്ച് മടങ്ങിയെത്തി’; അനിലിന്റെ മരണത്തിന് സാക്ഷി

എന്നാൽ പോലീസിൻ്റെ ഭാഗത്ത് നിന്നും വീഴ്ച്ച ഉണ്ടായിട്ടില്ല. സുരേഷിനെതിരെ നൽകിയ പരാതിയിൽ മേൽ അന്വേഷണം നടത്തിയതായി ആലത്തൂര്‍ ഡിവൈഎസ്പി എം എ ദേവസ്സി വ്യക്തമാക്കി. ഇന്നലെ വൈകിട്ട് ഭാര്യയുടെ പിതാവും അമ്മാവനും ചേർന്ന് കൊലപ്പെടുത്തിയ തേങ്കുറിശ്ശി മാങ്കുളം സ്വദേശി അനീഷിൻ്റെ മൃതദേഹം പാലക്കാട് മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മാർട്ട നടപടികൾക്ക് ശേഷം മൃതദേഹം ഇന്ന് ബന്ധുക്കൾക്ക് വിട്ടുനൽകും.