ശ്രീനഗര്‍: ഭീകര സംഘടനയായ ജെയ്ഷെ മുഹമ്മദുമായി ബന്ധപ്പെട്ട് ജമ്മുകശ്മീരില്‍ ആറ് പേര്‍ അറസ്റ്റിലായി. സുരക്ഷ സേനയാണ് ആറ് പേരെയും അറസ്റ്റ് ചെയ്തത്. ജമ്മു കാശ്മീരിലെ അവന്തിപുരയിലാണ് സൈന്യവും സിആര്‍പിഎഫും ചേര്‍ന്ന് ആറ് പേരെ അറസ്റ്റ് ചെയ്ത്. ത്രാല്‍, സംഗം മേഖലകളില്‍ ഗ്രനേഡ് ആക്രമണങ്ങള്‍ നടത്താന്‍ ഭീകരരെ സഹായിച്ചവരാണ് അറസ്റ്റിലായിട്ടുള്ളവരെന്ന്പോലീസ് പറഞ്ഞു.
ഇവര്‍ പാകിസ്താനില്‍ നിന്നുള്ളവരുമായി ബന്ധമുണ്ടെന്നും കൂടാതെ ഭീകരര്‍ക്ക് ഇവര്‍ സഹായം ചെയ്യുന്നുണ്ടായിരുന്നു. സ്ഫോടക വസ്തുക്കള്‍ അടക്കമുള്ളവ ഇവരുടെ പക്കല്‍ നിന്ന് കണ്ടെത്തിയിരുന്നു. സംഭവത്തില്‍ അന്വേഷണം നടത്തിവരികയാണെന്ന് പോലീസ് വ്യക്തമാക്കി.
കഴിഞ്ഞ മാസവും അവന്തിപുരയില്‍ നിന്ന് ജെയ്ഷെ മുഹമ്മദ് ഭീകരുമായി ബന്ധമുള്ള രണ്ട് പേരെ അറസ്റ്റ് ചെയ്തിരുന്നു. അന്ന് അറസ്റ്റിലായവര്‍ ഭീകരരെ വിവിധ ഭാഗങ്ങളില്‍ എത്തിക്കുകയും അവര്‍ക്ക് ആവശ്യമായ ആയുധങ്ങള്‍ എത്തിച്ചു കൊടുക്കുകയും ചെയ്തിരുന്നതായി കണ്ടെത്തിയിരുന്നു.
Post Your Comments