ശബരിമലയിൽ വെര്‍ച്വല്‍ക്യൂ വഴി ദര്‍ശനം നടത്തിയവരുടെ എണ്ണം മുപ്പത്തൊന്നായിരം കടന്നു

പത്തനംതിട്ട: ശബരിമലയിൽ വെര്‍ച്വല്‍ക്യൂ വഴി ദര്‍ശനം നടത്തിയവരുടെ എണ്ണം മുപ്പത്തൊന്നായിരം കടന്ന് മുന്നോട്ട് കുതിക്കുന്നു. ദര്‍ശനത്തിന് എത്തിയവരില്‍ അധികപേരും തമിഴ്നാട്ടില്‍ നിന്ന് വന്നിരിക്കുന്നവരാണ്. സന്നിധാനത്ത് ഇതുവരെ ലഭിച്ചിരിക്കുന്ന വരുമാനം മൂന്നരകോടി കടന്നിരിക്കുന്നു. മണ്ഡലകാലം തുടങ്ങി ഇരുപത്തിമൂന്ന് ദിവസം പിന്നിട്ടപ്പോള്‍ വെര്‍ച്വല്‍ ക്യൂ വഴി 31138 പേര്‍ ദര്‍ശനംനടത്തിയെന്നാണ് ഔദ്യോഗിക കണക്ക് സൂചിപ്പിക്കുന്നത്.

തമിഴ്നാട്ടില്‍ നിന്നുമാണ് ഏറ്റവും കൂടുതല്‍ പേര്‍ ശബരിമലയില്‍ ദർശനത്തിന് വന്നിരിക്കുന്നത്. 19743 പേരാണ് തമിഴ്നാട്ടിൽ നിന്ന് ദർശനം നടത്തുകയുണ്ടായത്. ആന്ധ്രയില്‍ നിന്ന് 5570 പേര്‍ ദര്‍ശനം നടത്തിയിരിക്കുന്നു. 1908പേരാണ് കേരളത്തില്‍ നിന്ന് ശബരിമലയില്‍ വന്നിരിക്കുന്നത്. തീര്‍ത്ഥാടകരുടെ എണ്ണം ഉയര്‍ത്തിയതോടെ വരുമാനത്തിലും നേരിയ വര്‍ദ്ധന ഉണ്ടായി. മണ്ഡലകാലം തുടങ്ങി 23 ദിവസം പിന്നിട്ടപ്പോള്‍ ശബരിമലയിലെ നടവരവ് 3കോടി 82 ലക്ഷം രൂപയാണ് ലഭിച്ചത്.

കഴിഞ്ഞ വര്‍ഷം ഇത് 66കോടി രൂപയായിരുന്നു. സന്നിധാനത്ത് കൊറോണ വൈറസ് രോഗ വ്യാപനം തുടരുന്ന സാഹചര്യത്തില്‍ മണ്ഡലകാലത്ത് തീർത്ഥാടകരുടെ എണ്ണം ഇനി കൂട്ടേണ്ടെന്ന നിലപാടിലാണ് ദേവസ്വംബോര്‍ഡ് ഉള്ളത്. ശബരിമല തീര്‍ത്ഥാടനവുമായി ബന്ധപ്പെട്ട ഉന്നതാധികാര സമിതി ഈ ആഴ്ച വീണ്ടും യോഗം ചേരുന്നതാണ്. കൊറോണ വൈറസ് രോഗ വ്യാപനം കണക്കിലെടുത്ത് സന്നിധാനത്തും പമ്പയിലും തങ്ങുന്ന ജീവനക്കാരില്‍ കൊവിഡ് പരിശോധന കര്‍ശനമാക്കാനാണ് ആരോഗ്യവകുപ്പിന്‍റെ തീരുമാനം അറിയിച്ചു.

സന്നിധാനത്ത് കഴിഞ്ഞ ദിവസം ഒന്‍പത് പേരിലാണ് കൊറോണ വൈറസ് രോഗം സ്ഥിരികരിച്ചത്. കൊറോണ വൈറസ് രോഗബാധ സ്ഥിരികരിച്ചവരില്‍ ദേവസ്വംബോര്‍ഡ് താല്‍ക്കാലിക ജീവനക്കാരും ഉള്‍പ്പെടുന്നുണ്ട്. എന്നാല്‍ നിലവില്‍ കൊവിഡിന്‍റെ പേരില്‍ ആശങ്കവേണ്ടെന്ന് ദേവസ്വംബോര്‍ഡ് അധികൃതര്‍ പറഞ്ഞു.