പേരാമ്പ്ര: പടയൊരുക്കത്തിനൊരുങ്ങി ബിജെപി. ഭരണം പിടിച്ചെടുക്കുന്നതിന്റെ ഭാഗമായി ബിജെപി ദേശീയ ഉപാധ്യക്ഷന്‍ എ.പി. അബ്ദുള്ളക്കുട്ടി പേരാമ്പ്രയില്‍ റോഡ് ഷോ നടത്തി. പേരാമ്പ്ര പഞ്ചായത്തിലെ മുഴുവന്‍ വാര്‍ഡുകളിലെയും ബ്ലോക്ക്, ജില്ല ഡിവിഷന്‍ എന്‍.ഡി.എ സ്ഥാനാര്‍ഥികളെയും അണിനിരത്തിയാണ് റോഡ് ഷോ നടത്തിയത്. പേരാമ്പ്ര ചെമ്പ്ര റോഡ് ജങ്ഷനില്‍നിന്നാരംഭിച്ച റോഡ് ഷോ മാര്‍ക്കറ്റ് പരിസരത്ത് സമാപിച്ചു. ബി.ജെ.പി പേരാമ്പ്ര മണ്ഡലം പ്രസിഡന്റ് വി.സി. ബിനീഷ്, യുവമോര്‍ച്ച സംസ്ഥാന ട്രഷറര്‍ കെ. അനൂപ്, പേരാമ്പ്ര പഞ്ചായത്തിലെ മുഴുവന്‍ വാര്‍ഡ് സ്ഥാനാര്‍ഥികള്‍, ബ്ലോക്ക് ഡിവിഷന്‍ സ്ഥാനാര്‍ഥികളായ കെ.എം. സുധാകരന്‍, ജിഷ സുധീഷ്, സി.കെ. ലീല, സുനി, ജില്ല പഞ്ചായത്ത് സ്ഥാനാര്‍ഥികളായ മധു പുഴയരികത്ത്, എം. ജയസുധ, സന്തോഷ് കാളിയത്ത് എന്നിവരും ഒപ്പമുണ്ടായിരുന്നു.
Read Also: ഇനി മതപരിവര്‍ത്തനവീരന്മാര്‍ കുടുങ്ങും; കടുപ്പിച്ച് മധ്യപ്രദേശ്
ബി.ജെ.പി നിയോജക മണ്ഡലം ജനറല്‍ സെക്രട്ടറിമാരായ കെ.എം. ഷിബി, രാഗേഷ് തമ്മല്‍, എ. ബാലചന്ദ്രന്‍, കെ. രാഘവന്‍ പഞ്ചായത്ത് പ്രസിഡന്റ് കെ.എന്‍. വിനു, ഇ.കെ. സുബീഷ്, ശ്രീജിത്ത് കല്ലോട്, ടി.പി. രാജേഷ്, പി. ബിജു കൃഷ്ണന്‍ എന്നിവര്‍ നേതൃത്വം നല്‍കി.
Post Your Comments