ദില്ലി : തമിഴ് സിനിമാ ലോകത്ത് പ്രേക്ഷകരെ ഏറെ ചിരിപ്പിച്ചു കൊണ്ടിരിക്കുന്ന നടനാണ് തവസി. സിനിമയില്‍ എത്തിയിട്ട് 30 വര്‍ഷത്തിലധികം ആയെങ്കിലും മുഴുനീള കഥാപാത്രങ്ങള്‍ ഒന്നും തന്നെ ലഭിച്ചിട്ടില്ലാത്ത നടനാണ് തവസി. ഇപ്പോള്‍ ക്യാന്‍സര്‍ ബാധിച്ച് മധുരയിലെ ആശുപത്രിയില്‍ ചികിത്സയിലാണ് താരം. ഏറ്റവും പുതിയ വിവരങ്ങള്‍ അനുസരിച്ച്, അദ്ദേഹം ഗുരുതരമായ പരിചരണത്തിലാണ്. പണം എല്ലാം കഴിഞ്ഞ് ഇപ്പോള്‍ സാമ്പത്തിക സഹായത്തിന് അഭ്യര്‍ത്ഥനയുമായി രംഗത്തെത്തിയിരിക്കുകയാണ് താരം.
നവംബര്‍ 11 ന് തവസിയുടെ ആരോഗ്യ നില വഷളായതിനെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചതായി തിരുപ്പന്‍കുന്ദ്രത്തിലെ ഡിഎംകെ എംഎല്‍എ ഡോ. സരവണന്‍ നല്‍കിയ ഫേസ്ബുക്ക് പോസ്റ്റില്‍ പറയുന്നു. അദ്ദേഹത്തിന്റെ ചികിത്സാ ചെലവുകള്‍ സൂര്യയുടെ ചാരിറ്റബിള്‍ ട്രസ്റ്റാണ് വഹിക്കുന്നത്. ആശുപത്രിയില്‍ തവസിയെ സന്ദര്‍ശിച്ച എംഎല്‍എയും നടന്റെ കുടുംബത്തെ സാമ്പത്തികമായി സഹായിക്കണമെന്ന് പൊതുജനങ്ങളോട് അഭ്യര്‍ത്ഥിച്ചു.
https://www.facebook.com/drpsaravanan/posts/2877333209156072
തവസിയെ ആശുപത്രിയില്‍ സന്ദര്‍ശിച്ച ഒരു നാടക കലാകാരന്‍ പങ്കിട്ട വീഡിയോയില്‍, ‘തന്റെ പ്രകടനത്തിലൂടെ എല്ലാവരേയും ചിരിപ്പിക്കുകയും സന്തോഷിപ്പിക്കുകയും ചെയ്ത ഒരു വ്യക്തി നേരിടുന്ന ദുഃഖകരമായ സാഹചര്യമാണിതെന്ന് അദ്ദേഹം പറഞ്ഞു. കിഴക്കു ചീമയിലെ തുടങ്ങി നിരവധി ചിത്രങ്ങളില്‍ അഭിനയിച്ചു. വരാനിരിക്കുന്ന രജനീകാന്ത് സിനിമയായ ‘അണ്ണാത്തെ’ വരെ, എത്തി നില്‍ക്കുന്ന താരത്തിന്റെ ജീവിതം ഇപ്പോള്‍ പൂര്‍ണമായും ദുരിതത്തിലാണ്. ശിവകാര്‍ത്തികേയന്റെ സിനിമകളില്‍ ശ്രദ്ധേയമായ വേഷങ്ങള്‍ ലഭിച്ചതിനു പിന്നാലെയാണ് തവസി മുന്‍നിരയിലേക്ക് എത്തി തുടങ്ങിയത്. എന്നാല്‍ അതിനിടയില്‍ തന്നെ താരത്തിന് ക്യാന്‍സര്‍ ബാധിക്കുകയായിരുന്നു.
ചികിത്സയ്ക്കായി സംഭാവന നല്‍കാനും സഹായിക്കാനും അദ്ദേഹം അഭിനേതാക്കളോടും സിനിമാ വ്യക്തികളോടും അഭ്യര്‍ത്ഥിച്ചു. അതേസമയം, നടന്‍ ശിവകാര്‍ത്തികേയന്‍ തവസിയെ സഹായിച്ചതായും അദ്ദേഹത്തിന്റെ ശ്രമങ്ങളെ അഭിനന്ദിച്ചതായും രമേശ് ബാല ട്വീറ്റ് ചെയ്തു.
താന്‍ 30 വര്‍ഷമായി സിനിമാ വ്യവസായത്തിലാണ്, ഇത്തരത്തിലുള്ള ഒരു രോഗം എന്നെ ബാധിക്കുമെന്ന് എനിക്കറിയില്ലായിരുന്നു .. ഇത് ദൈവം ഉന്നയിച്ച ഒരു വെല്ലുവിളിയാണ് … ചികിത്സ നേടാന്‍ ദയവായി എന്നെ സഹായിക്കൂ. ‘ എന്നായിരുന്നു തവസി വീഡിയോയില്‍ പറഞ്ഞത്.
Post Your Comments