ആശുപത്രിയിൽ കഴിയുന്ന രോഗിയായ അമ്മയെ സന്ദർശിച്ച് മടങ്ങിയ പെൺകുട്ടികളെ കൂട്ടബലാത്സംഗം ചെയ്തു. അസമിലെ കരിംഗഞ്ച് ജില്ലയിലെ പെൺകുട്ടികളെയാണ് അഞ്ച് പേർ ചേർന്ന് ബലാത്സംഗം ചെയ്തത്. സംഭവുമായി ബന്ധപ്പെട്ട് ഒരാളെ അറസ്റ്റുചെയ്തു. മറ്റുള്ളവരെ പിടികൂടാൻ അന്വേഷണം ആരംഭിച്ചതായി കരിംഗഞ്ച് പോലീസ് സൂപ്രണ്ട് മയങ്ക് കുമാർ പറഞ്ഞു.
വെള്ളിയാഴ്ച രാവിലെ സിചാറിലെ കാച്ചർ കാൻസർ ഹോസ്പിറ്റലിൽ ചികിത്സയിൽ കഴിയുന്ന അമ്മയെ സന്ദർശിച്ച് തിരിച്ചു വരുമ്പോഴായിരുന്നു സംഭവം. ആശുപത്രിയിലേക്ക് പോയ ടാക്സിയിലെ ഡ്രൈവറും സംഘവും ചേർന്നാണ് പെൺകുട്ടികളെ പീഡിപ്പിച്ചത്.
ബലാത്സംഗത്തിന് ശേഷം കുറ്റവാളികൾ പെൺകുട്ടികളുടെ കൈയ്യിലുണ്ടായിരുന്ന പണവും മൊബൈൽ ഫോണും തട്ടിയെടുത്തു സംഭവസ്ഥലത്ത് നിന്ന് ഓടി രക്ഷപെടുകയിരുന്നു.
Post Your Comments