ഡാബ്ര: മധ്യപ്രദേശിലെ പട്ടികജാതി നിയോജകമണ്ഡലമായ ദബ്ര നിയമസഭാ മണ്ഡലത്തില്‍ നവംബര്‍ 7 ന് നടന്ന ഉപതിരഞ്ഞെടുപ്പില്‍ ഭാരതീയ ജനതാ പാര്‍ട്ടി (ബിജെപി) സ്ഥാനാര്‍ത്ഥിയായി മത്സരിച്ച ഇമാര്‍തി ദേവി വന്‍ മുന്നേറ്റമാണ് നടത്തി കൊണ്ടിരിക്കുന്നത്. വിജയം ഏറെക്കുറെ ഉറപ്പിച്ചിട്ടുണ്ട് ഇമാര്‍തി. വിജയം ഉറപ്പിച്ചതോടെ കോണ്‍ഗ്രസ് നേതാവായ കമല്‍നാഥിനെതിരെ വിമര്‍ശനവുമായ രംഗത്തെത്തി.
ആദ്യകാല പ്രവണതകളെക്കുറിച്ച് സംസാരിച്ച ഇമാര്‍തി ദേവി ”മധ്യപ്രദേശില്‍ ബിജെപി വിജയിക്കുന്നുവെന്നത് പ്രാരംഭ പ്രവണതയില്‍ നിന്ന് മനസ്സിലാക്കാവുന്നതേയുള്ളൂവെന്നും കമല്‍നാഥ് തനിക്കെതിരെ ഉപയോഗിച്ച മോശം ഭാഷയ്ക്ക് ആളുകള്‍ ഉചിതമായ മറുപടി നല്‍കിയിട്ടുണ്ടെന്ന് പറയാന്‍ താന്‍ ആഗ്രഹിക്കുന്നുവെന്നും പറഞ്ഞു. മധ്യപ്രദേശില്‍ മുന്‍ മുഖ്യമന്ത്രി കമല്‍ നാഥിന്റെ വിജയത്തെ കുറിച്ച് അവര്‍ അവകാശവാദമുന്നയിക്കുന്നതില്‍ തെറ്റൊന്നുമില്ലെന്നും ഇമാര്‍തി കൂട്ടിച്ചേര്‍ത്തു.
28 നിയമസഭാ മണ്ഡലങ്ങളില്‍ 14 എണ്ണത്തില്‍ മധ്യപ്രദേശിലെ ഭരണകക്ഷിയായ ബിജെപി മുന്നിട്ടുനില്‍ക്കുകയാണ്. അഞ്ച് സീറ്റുകളില്‍ കോണ്‍ഗ്രസ് മുന്നിലാണ്. ബഹുജന്‍ സമാജ് പാര്‍ട്ടി (ബിഎസ്പി) ഒരു സീറ്റില്‍ മുന്നിട്ടുനിന്നു. 14 സീറ്റുകളില്‍ 96 മുതല്‍ 5,668 വരെ വോട്ടുകള്‍ക്ക് ബിജെപി സ്ഥാനാര്‍ത്ഥികള്‍ ലീഡ് ചെയ്യുന്നുണ്ട്. കോണ്‍ഗ്രസ് മത്സരാര്‍ത്ഥികള്‍ ഹത്പിപല്യ, സുമോളി, അംബ, ഡിംനി, ബയോറ എന്നീ മണ്ഡലങ്ങളില്‍ മുന്നിട്ട് നില്‍ക്കുന്നു.
Post Your Comments