ആലപ്പുഴ: പൊതു സമൂഹത്തിന് മുന്നില്‍ ബിനീഷിന്റെ കുഞ്ഞിനെ അപമാനിച്ച ബാലാവകാശ കമ്മിഷന്‍ കളിച്ചത് തറ രാഷ്ട്രീയമെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍. ബാലാവകാശ കമ്മിഷന്‍ രാഷ്ട്രീയ പ്രവര്‍ത്തകര്‍ ചെയ്തതു പോലെ കുട്ടിയുടെ പ്രശ്നം രാഷ്ട്രീയ വിഷയമാക്കി. ബിനീഷിന്റെ കുട്ടിയെ ഇ ഡി തടഞ്ഞുവച്ചിട്ടില്ല. ഇ ഡിക്ക് ശാരീരികമായും മാനസികമായും ഒന്നും ചെയ്യാനാകില്ല. അന്വേഷണം സുതാര്യമാണ്. കൊവിഡ് സമയത്താണ് രണ്ട് വയസായ കൊച്ചു കുഞ്ഞിനെ ഇത്രയും ആളുകള്‍ക്കിടയില്‍ പ്രദര്‍ശിപ്പിച്ചത്. കേന്ദ്ര ഏജന്‍സികളെ കൈകാര്യം ചെയ്യുമെന്ന് എ കെ ബാലന്‍ പറയുന്നത് അദ്ദേഹത്തിന്റെ പൂതിയാണെന്നും സുരേന്ദ്രന്‍ പറഞ്ഞു.
പാലാരിവട്ടം അഴിമതി കേസില്‍ സര്‍ക്കാര്‍ സഹായിക്കുന്നതു കൊണ്ട് മാത്രമാണ് ഇബ്രഹിംകുഞ്ഞിനെ അറസ്റ്റ് ചെയ്യാത്തത്. അതേ സഹായം കിട്ടിയതു കൊണ്ടാണ് കമറുദ്ദീന്‍ ഇത്രയും കാലം വിലസി നടന്നത്. തോമസ് ഐസക്കിന്റെ ധനകാര്യമന്ത്രിയെന്നുളള പ്രവര്‍ത്തനങ്ങള്‍ സംസ്ഥാനത്തിന് ബാദ്ധ്യതയാണ്. ഊരാളുങ്കല്‍ ലേബര്‍ സൊസൈറ്റിയെ മറയാക്കി സംസ്ഥാന മന്ത്രിമാരും സി പി എം നേതാക്കളും വലിയ തോതിലുളള ഹവാല ഇടപാടുകളാണ് നടത്തുന്നതെന്നും സുരേന്ദ്രന്‍ വിമര്‍ശിച്ചു.
Post Your Comments