തിരുവനന്തപുരം: സംസ്ഥാനത്ത് പൊലീസ് ഉദ്യോഗസ്ഥര്‍ക്ക് സ്ഥലം മാറ്റം. കൊച്ചി ഡെപ്യൂട്ടി കമ്മീഷണര്‍ ഓഫ് പൊലീസായ ജി.പൂങ്കുഴലിയെ വയനാട് എസ്.പിയായും കൊല്ലം ജില്ലാ പൊലീസ് മേധാവിയായ ഹരിശങ്കര്‍ ഐപിഎസിനെ തിരുവനന്തപുരത്ത് വിജിലന്‍സ് എസ്.പിയായും കൊല്ലം എസ്.പിയായി ആര്‍.ഇളങ്കോയെയും നിയമിച്ചു. പിബി രാജീവാണ് പുതിയ കൊച്ചി ഡിസിപി. കണ്‍ഫേഡ് ഐപിഎസ് ലഭിച്ച പി.ബി. രാജീവിനെ കൊച്ചി സിറ്റി ഡപ്യൂട്ടി കമ്മീഷണറാക്കി നിയമിച്ചു. കെ.ബി. രവിയെ സ്റ്റേറ്റ് സ്പെഷല്‍ ബ്രാഞ്ച് ആസ്ഥാനത്ത് അഡ്മിനിസ്ട്രേഷന്‍ വിഭാഗത്തിലും എസ്. രാജേന്ദ്രനെ ക്രൈംബ്രാഞ്ച്- തിരുവനന്തപുരത്തെ സിയു ഒന്നിലും തന്പി എസ്. ദുര്‍ഗാദത്തിനെ തൃശൂര്‍ പോലീസ് അക്കാദമി അസിസ്റ്റന്‍റ് ഡയറക്ടറായും നിയമിച്ചു.ഇന്‍റഗ്രേറ്റഡ് പോലീസ് റിക്രൂട്ട് ട്രെയിനിംഗ് സെന്‍ററിന്‍റെ ചുമതലയും ഇദ്ദേഹത്തിനുണ്ടാകും.
നിയമനം ലഭിച്ച മറ്റ് എസ്പിമാര്‍: രതീഷ് കൃഷ്ണന്‍- സ്റ്റേറ്റ് സ്പെഷല്‍ സ്റ്റേറ്റ് ഇന്‍റേണല്‍ സെക്യൂരിറ്റി, ടോമി സെബാസ്റ്റ്യന്‍- ക്രൈംബ്രാഞ്ച്, എറണാകുളം, എന്‍. വിജയകുമാര്‍- സ്റ്റേറ്റ് സ്പെഷല്‍ ബ്രാഞ്ച് എറണാകുളം റേഞ്ച്.
Post Your Comments