ബൈക്കുകൾ കൂട്ടിയിടിച്ച്‌ യുവാവിന് ദാരുണാന്ത്യം : രണ്ടു പേർക്ക് ഗുരുതരമായി പരിക്കേറ്റു

ബേക്കൽ : ബൈക്കുകൾ കൂട്ടിയിടിച്ച്‌ യുവാവിന് ദാരുണാന്ത്യം. പരേതനായ ഹമീദ് – ഖദീജ ദമ്ബതികളുടെ മകൻ പൂച്ചക്കാട് തെക്കുപുറത്തെ അന്‍സാര്‍ (22) ആണ് കാസർഗോഡ് മരിച്ചത്. ബന്ധുവിന്റെ തട്ടുകടയില്‍ ജോലി കഴിഞ്ഞ് ഭക്ഷണം കഴിക്കാനായി വീട്ടിലേക്ക് മടങ്ങവേ   അന്‍സാര്‍ സഞ്ചരിച്ച ബൈക്കിൽ, കാഞ്ഞങ്ങാട് ഭാഗത്തേക്ക് പോവുകയായിരുന്ന ബൈക്ക്  ഇടിക്കുകയായിരുന്നു.

Also read : വാഹനാപകടത്തിൽ ദമ്പതികൾക്ക് ദാരുണാന്ത്യം

അന്‍സാറിനെ ആദ്യം കാഞ്ഞങ്ങാട്ടെ മന്‍സൂര്‍ ആശുപത്രിയിലെത്തിച്ചു. പരിക്ക് ഗുരുതരമായതിനാല്‍ മംഗ്ലൂരുവിലേക്ക്‌ കൊണ്ട് പോകവേ വഴിമധ്യേ മരണം സംഭവിക്കുകയായിരുന്നു. മറ്റേ ബൈക്കിലുണ്ടായിരുന്ന രണ്ടു പേർക്ക് ഗുരുതരമായി പരീക്കറ്റു. കണ്ണൂരിലേക്ക് കൊണ്ട് പോയി. കൂടുതല്‍ വിവരങ്ങള്‍ ലഭ്യമായിട്ടില്ല.