വിവാഹത്തിന് അതിഥികളില്ല, ഒടുവില്‍ ലക്ഷങ്ങള്‍ ചെലവിട്ട് അതിഥികളുടെ കാര്‍ഡ്‌ബോര്‍ഡ് കട്ടൗട്ടുകള്‍ സ്ഥാപിച്ച് ദമ്പതികള്‍

കോവിഡ് ഭീതിയില്‍ വിവാഹത്തിന് അതിഥികളില്ലാത്തതിനാല്‍ ലക്ഷങ്ങള്‍ ചെലവിട്ട് അതിഥികളുടെ കാര്‍ഡ്‌ബോര്‍ഡ് കട്ടൗട്ടുകള്‍ സ്ഥാപിച്ച് ദമ്പതികള്‍. യുകെയിലെ ഒരു ദമ്പതികള്‍ ആണ് അവരുടെ സുഹൃത്തുക്കളുടെ അതേ വലിപ്പമുള്ള കാര്‍ഡ് ബോര്‍ഡ് കട്ടൗട്ടുകള്‍ സ്ഥപിച്ച് വിവാഹം ആഘോഷിച്ചത്. ഇതിനായി ഇവര്‍ ഏകദേശം രണ്ട് ലക്ഷത്തോളം രൂപയാണ് ചെലവഴിച്ചത്.

ഗില്‍ഡ്ഫോര്‍ഡിലെ ബ്രാംലിയില്‍ നിന്നുള്ള റൊമാനിയുടെയും സാം റോണ്‍ഡ്യൂ-സ്മിത്തിന്റെയും വിവാഹം ജൂലൈയിലായിരുന്നു. വിവാഹത്തിനായി ഇവര്‍ വലിയ പദ്ധതികള്‍ ആസൂത്രണം ചെയ്തിരുന്നുവെന്ന് മെട്രോ ന്യൂസ് റിപ്പോര്‍ട്ട് ചെയ്യുന്നു. കോവിഡ് വന്നതോടെ ഈ വലിയ ചടങ്ങിനുള്ള പദ്ധതികള്‍ താല്‍ക്കാലികമായി നിര്‍ത്തേണ്ടിവന്നു. തുടര്‍ന്ന് അവരുടെ വിവാഹ തീയതി ഓഗസ്റ്റ് 14 ലേക്ക് മാറ്റി.

ഓഗസ്റ്റ് എത്തുമ്പോഴേക്കും കോവിഡ് ലോക്ക്ഡൗണ്‍ യുകെയില്‍ അവസാനിച്ചിരുന്നു, പക്ഷേ ഇപ്പോഴും നിരവധി നിയന്ത്രണങ്ങള്‍ നിലവിലുണ്ട്. 30 പേര്‍ക്ക് മാത്രമേ ഒരു വിവാഹത്തില്‍ പങ്കെടുക്കാന്‍ അനുവാദമുണ്ടായിരുന്നുള്ളൂ. എന്നാല്‍ റൊമാനിയും സാമും അവരുടെ പദ്ധതികളെ അവരുടെ പദ്ധതികളെ തടസ്സപ്പെടുത്താന്‍ അനുവദിച്ചില്ല.

അവരുടെ എല്ലാ സുഹൃത്തുക്കള്‍ക്കും കുടുംബാംഗങ്ങള്‍ക്കും അവരുടെ പ്രത്യേക ദിവസത്തില്‍ പങ്കെടുക്കാന്‍ കഴിയുമെന്ന് ഉറപ്പുവരുത്താന്‍, ദമ്പതികള്‍ 2,000 പൗണ്ടിലധികം (1.8 ലക്ഷം ഡോളറില്‍ കൂടുതല്‍) കാര്‍ഡ്‌ബോര്‍ഡ് കട്ടൗട്ടുകള്‍ക്കായി ചെലവഴിച്ചുവെന്ന് ദി മിറര്‍ റിപ്പോര്‍ട്ട് ചെയ്യുന്നു. അവരുടെ അതിഥികളെയെല്ലാം കടലാസ് കൊണ്ടാണ് നിര്‍മ്മിച്ചതെന്നതിനാല്‍ നിയമങ്ങളൊന്നും ലംഘിക്കാതെ 50 അതിഥികളെ അവരുടെ വിവാഹത്തില്‍ പങ്കെടുപ്പിക്കാന്‍ അവര്‍ക്ക് കഴിഞ്ഞു.

https://www.facebook.com/hawaiianshirtphotography/photos/pcb.1160116874374818/1160116281041544