ജയ്പൂര്‍: കഴിഞ്ഞ ഏതാനും ദിവസങ്ങളായി മുഖ്യമന്ത്രിയുടെ ഓഫീസിലും അദ്ദേഹത്തിന്റെ വസതിയിലും കോവിഡ് പോസിറ്റീവ് പരീക്ഷിച്ചതിനെത്തുടര്‍ന്ന് ഒരു മാസത്തേക്കുള്ള എല്ലാ മീറ്റിംഗുകളും റദ്ദാക്കി രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട്. ഡോക്ടര്‍മാരുടെ ഉപദേശപ്രകാരം അടുത്ത ഒരു മാസത്തേക്ക് ആളുകളെ കാണേണ്ടതില്ലെന്ന് മുഖ്യമന്ത്രി തീരുമാനിച്ചു. ഈ സമയത്ത് വീഡിയോ കോണ്‍ഫറന്‍സിലൂടെ മാത്രമേ അദ്ദേഹം ചടങ്ങുകളിലും മറ്റു പരിപാടികളിലും പങ്കെടുക്കൂ.
ചില സുരക്ഷാ ജീവനക്കാര്‍ ഉള്‍പ്പെടെ മുഖ്യമന്ത്രിയുടെ ഓഫീസിലും വസതിയിലുമായി 40 ഓളം ഉദ്യോഗസ്ഥരാണ് കഴിഞ്ഞ ഏതാനും ദിവസമായി കോവിഡ് പോസിറ്റീവ് പരീക്ഷിച്ചത്. കോവിഡില്‍ നിന്ന് സുരക്ഷിതമായി തുടരാന്‍ സാമൂഹിക അകലം പാലിക്കണമെന്നും മാസ്‌ക് ധരിക്കണമെന്നും എല്ലാ മുന്‍കരുതലുകളും സ്വീകരിക്കണമെന്നും മുഖ്യമന്ത്രി ജനങ്ങളോട് അഭ്യര്‍ത്ഥിച്ചു.
Post Your Comments