വന്ദേ ഭാരത് ദൗത്യം ആറാം ഘട്ടം : സൗദി അറേബ്യയില്‍ നിന്നും ഒമ്പത് വിമാന സര്‍വ്വീസുകള്‍ കൂടി

റിയാദ് : കോവിഡ് വ്യാപനത്തെ തുടർന്ന് വിദേശ രാജ്യങ്ങളിൽ കുടുങ്ങിയ ഇന്ത്യക്കാരെ നാട്ടിലെത്തിക്കുന്നതിനുള്ള വന്ദേ ഭാരത് ദൗത്യം ആറാം ഘട്ടത്തിൽ സൗദി അറേബ്യയില്‍ നിന്നും ഒമ്പത് വിമാന സര്‍വ്വീസുകള്‍ കൂടി അധികമായി പ്രഖ്യാപിച്ചു,. സെപ്തംബര്‍ 15 വരെയുള്ള ഷെഡ്യൂൾ പ്രകാരം കേരളത്തിലേക്ക് മൂന്ന് സര്‍വ്വീസുകളാണ് ഉൾപ്പെടുത്തിയിട്ടുള്ളത്.

Also read : യു.എ.ഇയില്‍ കോവിഡ് രോഗമുക്തരുടെ എണ്ണത്തില്‍ വര്‍ധനവ്

ദമ്മാമില്‍ നിന്ന് കണ്ണൂരിലേക്ക് രണ്ടും തിരുവനന്തപുരത്തേക്ക് ഒന്നുമാണ് പുതുതായി പ്രഖ്യാപിച്ച സര്‍വ്വീസുകള്‍. സെപ്തംബര്‍ 10ന് ഇന്‍ഡിഗോ, 13ന് എയര്‍ ഇന്ത്യ എന്നീ വിമാനങ്ങളാണ് ദമ്മാമില്‍ നിന്ന് കണ്ണൂരിലേക്കും, 14ന് എയര്‍ ഇന്ത്യ തിരുവനന്തപുരത്തേക്ക് സര്‍വ്വീസ് നടത്തും

മറ്റു സർവീസുകൾ

സെപ്തംബര്‍ 11 : ദമ്മാം-വിയജവാഡ-ഹൈദരാബാദ്, ദമ്മാം-മംഗളൂരു

സെപ്തംബര്‍ 12 : ദമ്മാം-ലഖ്‌നൗ-ഡൽഹി

സെപ്തംബര്‍ 14 : ജിദ്ദ-ഹൈദരാബാദ്

സെപ്തംബര്‍ 15 : ദമ്മാം-അഹമ്മദാബാദ്-മുംബൈ, ജിദ്ദ- ഡൽഹി-ലഖ്‌നൗ