കോവിഡ് -19 ബ്രീഫിംഗുകളുടെ കേന്ദ്രത്തിന്റെ മുഖമായ ആരോഗ്യ മന്ത്രാലയ ഉദ്യോഗസ്ഥന്‍ ലാവ് അഗര്‍വാളിന് കോവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം സോഷ്യല്‍മീഡിയയിലുടെ പുറത്തുവിട്ടത്. ”എല്ലാവര്‍ക്കും നമസ്‌കാരം, കോവിഡ് -19 ന് ഞാന്‍ പോസിറ്റീവ് പരീക്ഷിച്ചതായും മാര്‍ഗ്ഗനിര്‍ദ്ദേശങ്ങള്‍ അനുസരിച്ച് വീട്ടില്‍ ഐസൊലേഷനില്‍ ആണെന്നും അറിയിക്കുന്നു” ലാവ് അഗര്‍വാള്‍ പറഞ്ഞു.
തന്റെ എല്ലാ സുഹൃത്തുക്കളോടും സഹപ്രവര്‍ത്തകരോടും അവരുടെ ആരോഗ്യം നിരീക്ഷിക്കണമെന്നും അദ്ദേഹം അഭ്യര്‍ത്ഥിച്ചു. ആരോഗ്യ സംഘം കോണ്‍ടാക്റ്റ് ട്രെയ്സിംഗ് നടത്തും. എല്ലാവരേയും ഉടന്‍ കാണാമെന്ന പ്രതീക്ഷയും അദ്ദേഹം പങ്കുവച്ചു.
Dear All,Just to inform that I have tested positive for Covid 19 and initiating home isolation as per guidelines. Requesting all my friends, colleagues for self monitoring. Contact tracing will be done by Health Team. Hoping to see everyone soon.
— lavagarwal (@lavagarwal) August 14, 2020
48 കാരനായ ഐഐടി-ദില്ലി ബിരുദധാരിയും ആന്ധ്രാപ്രദേശ് കേഡര്‍ ഐഎഎസ് ഉദ്യോഗസ്ഥനുമായ ലാവ് അഗര്‍വാള്‍ 2016 മുതല്‍ ആരോഗ്യ കുടുംബക്ഷേമ മന്ത്രാലയത്തിലെ ജോയിന്റ് സെക്രട്ടറിയാണ്. അദ്ദേഹം ഉത്തര്‍പ്രദേശ് സ്വദേശിയാണ്.
Post Your Comments