ന്യൂഡല്‍ഹി: സ്വദേശി’യാകുക എന്നതിന് എല്ലാ വിദേശ ഉൽപ്പന്നവും ബഹിഷ്കരിക്കുകയെന്ന അർഥമില്ലെന്ന് ആർ.എസ്.എസ് മേധാവി മോഹൻ ഭാഗവത്.സാങ്കേതികവിദ്യകളോ പ്രാദേശികമായി ലഭ്യമല്ലാത്ത വസ്തുക്കളോ മാത്രമേ ഇറക്കുമതി ചെയ്യാവൂ എന്നും അദ്ദേഹം കൂട്ടിച്ചേര്‍ത്തു. ഓൺലൈനിലൂടെ നടന്ന പുസ്തക പ്രകാശന ചടങ്ങിലാണ് അദ്ദേഹം ഈ കാര്യം പറഞ്ഞത്.
ലോകമെമ്പാടും നിന്നും നമുക്ക് അനുയോജ്യമായതാണ് നമ്മള്‍ വാങ്ങുന്നത്. അതും നമ്മള്‍ നിശ്ചയിച്ച വ്യവസ്ഥയില്‍. ആഗോളവല്‍ക്കരണം ആവശ്യമുള്ള ഫലങ്ങള്‍ നല്‍കിയില്ലെന്നും ഒരു സാമ്പത്തിക മാതൃക എല്ലായിടത്തും ഒരേപോലെ ഉപയോഗിക്കാന്‍ സാധിക്കില്ലെന്നും കോവിഡ് മഹാമാരി കണിച്ചു തന്നുവെന്നും
സ്വാതന്ത്ര്യം ലഭിച്ച ശേഷം ഇന്ത്യയുടെ നയരൂപീകരണത്തില്‍ പടിഞ്ഞാറന്‍ രാജ്യങ്ങളും മറ്റ് വിദേശ രാജ്യങ്ങളും സ്വാധീനിച്ചു. ഇതിന്റെ ഫലമായി പ്രാദേശികമായി ലഭ്യമായ നിരവധി ഉല്‍പ്പന്നങ്ങളും സാങ്കേതികവിദ്യകളും അവഗണിക്കപ്പെട്ടു.- ഭഗവത് കൂട്ടിച്ചേര്‍ത്തു.
രാജ്യങ്ങള്‍ക്കിടയില്‍ പരസ്പര സഹകരണം ആവശ്യമാണെന്നും അദ്ദേഹം ഓര്‍മിപ്പിച്ചു. എല്ലാവരും ലോകത്തെ ഒരു വിപണിയായല്ല, ഒരു കുടുംബമായി കണക്കാക്കണമെന്നും അദ്ദേഹം അഭിപ്രായപ്പെട്ടു.
Post Your Comments