കുവൈത്തില്‍ രോഗമുക്തരുടെ നിരക്കില്‍ വന്‍ വര്‍ധനവ് ; ഇന്നത്തെ കോവിഡ് റിപ്പോര്‍ട്ട് ആരോഗ്യ മന്ത്രാലയം പുറത്തു വിട്ടു

കുവൈത്തില്‍ ആ അടുത്ത ആഴ്ചകളിലായി ആശ്വാസകരമായ വാര്‍ത്തകളാണ് പുറത്ത് വരുന്നത്. രാജ്യത്തെ രോഗമുക്തരുടെ എണ്ണത്തില്‍ വന്‍ വര്‍ധനവാണ് ഇക്കാലയളവില്‍ രേഖപ്പെടുത്തിയിരിക്കുന്നത്. ഇന്ന് 667 പേരാണ് കുവൈത്തില്‍ രോഗമുക്തി നേടിയത്. ഇതോടെ രാജ്യത്ത് കോവിഡ്മുക്തി നേടിയവരുടെ എണ്ണം 49,687 ആയി ഉയര്‍ന്നു.

അതേസമയം ഇന്ന് 300 പേര്‍ക്കു കൂടി കോവിഡ് സ്ഥിരീകരിച്ചതായി കുവൈത്ത് ആരോഗ്യ മന്ത്രാലയം റിപ്പോര്‍ട്ട് ചെയ്തു. കൂടാതെ ഒരു മരണവും റിപ്പോര്‍ട്ട് ചെയ്യപ്പെട്ടു. ഇതോടെ രാജ്യത്ത് ആകെ കോവിഡ് ബാധിച്ചവരുടെ എണ്ണം 59,204 ആയി. മരണസംഖ്യ 408. രാജ്യത്ത് നിലവില്‍ 9109 പേരാണ് കോവിഡ് ചികിത്സയിലുള്ളത്. ഇതില്‍ 132 പേര്‍ ഗുരുതരാവസ്ഥയിലാണ്. കൂടാതെ 24 മണിക്കൂറിനുള്ളില്‍ 2,009 പുതിയ കോവിഡ് -19 ടെസ്റ്റുകള്‍ നടത്തിയതായി മന്ത്രാലയം അറിയിച്ചു. ഇതോടെ രാജ്യത്ത് നടത്തിയ ആകെ കോവിഡ് ടെസ്റ്റുകളുടെ എണ്ണം 459,349 ആയി ഉയര്‍ന്നു.