ജോണി ആന്റണി 49 നോട്ട്ഔട്ട്; ആശംസകളുമായി സുരേഷ് ഗോപി.

നടനും സംവിധായകനുമായ ജോണി ആന്റണിക്ക് പിറന്നാൾ ആശംസകൾ നേർന്ന് സുരേഷ് ഗോപി. രസകരമായ വിഡിയോ സന്ദേശം നേർന്നായിരുന്നു സൂപ്പർതാരത്തിന്റെ ആശംസ. തനിക്കു നേരെ വരുന്ന ബോൾ സിക്സറടിച്ചു പറത്തി 49 നോട്ട് ഔട്ടിൽ ബാറ്റ് ചെയ്യുന്ന ജോണി ആന്റണിയെ സുരേഷ്‌ഗോപി ഫേസ്ബുക്കിലൂടെ പങ്കുവെച്ച വിഡിയോയിൽ കാണാം…

അനൂപ് സത്യൻ സംവിധാനം ചെയ്ത വരനെ ആവശ്യമുണ്ട് എന്ന സിനിമയിൽ സുേരഷ് ഗോപി–ജോണി ആന്റണി കൂട്ടുകെട്ടിന്റെ കെമിസ്ട്രി ഏറെ രസകരമായിരുന്നു. അരുൺ വൈഗയുടെ ‘ഉപചാരപൂർവം ഗുണ്ടാ ജയൻ’ ആണ് ജോണി ആന്റണി അഭിനയിക്കുന്ന പുതിയ ചിത്രം. ബിജു മേനോനെ നായകനാക്കി ഒരു സിനിമ സംവിധാനം ചെയ്യാനും താരം പദ്ധതിയിടുന്നുണ്ട്.