കോഴിക്കോട്: വീടിന്റെ ടെറസില്‍ കഞ്ചാവ് വളര്‍ത്തിയ യുവാവ് പിടിയില്‍. കടമേരി കീരിയങ്ങാടി കല്ലുങ്കല്‍കുനില്‍ നസീറാണ് പിടിയിലായത്. നാദാപുരം കടമേരിയില്‍ ആണ് സംഭവം. 11 കഞ്ചാവ് ചെടികളാണ് ഇയാളുടെ വീടിന്റെ ടെറസില്‍ നിന്നും കണ്ടെത്തിയത്. നാദാപുരം സിഐയും സംഘവും നടത്തിയ പരിശോധനയിലാണ് കഞ്ചാവ് ചെടികള്‍ കണ്ടെത്തിയത്.
വടകര റൂറല്‍ എസ്പി ശ്രീനിവാസിന് ലഭിച്ച രഹസ്യ സന്ദേശത്തെ തുടര്‍ന്നായിരുന്നു പരിശോധന. ഒന്നര മീറ്ററോളം ഉയരത്തില്‍ വളര്‍ച്ച എത്തിയ കഞ്ചാവ് ചെടികളാണ് സംഘം ഇയാളുടെ വീട്ടില്‍ നിന്നും പിടികൂടിയത്. പിടിയിലായ നസീര്‍ നേരത്തേ മയക്കുമരുന്ന് കേസിലും പ്രതിയായിട്ടുള്ള ആളാണ്.
Post Your Comments