ദുബായ് : ജൂണ്‍ 9 മുതല്‍ 30 വരെയുള്ള വന്ദേഭാരത് മൂന്നാം ഘട്ടത്തില്‍ യുഎഇയില്‍ നിന്ന് കേരളത്തിലേയ്ക്ക് പറക്കുന്നത് 50ലേറെ വിമാനങ്ങള്‍.
ദുബായില്‍ നിന്ന് 27, അബുദാബിയില്‍ നിന്ന് 26 വിമാനങ്ങളാണ് കേരളത്തിലേയ്ക്ക് കോവിഡിനെ തുടര്‍ന്ന് പ്രതിസന്ധിയിലായ പ്രവാസികളുമായി പറക്കുകയെന്ന് എയര്‍ ഇന്ത്യാ അധികൃതര്‍ പറഞ്ഞു. നേരത്തെ അറിയിച്ചതിനേക്കാള്‍ കൂടുതല്‍ വിമാനങ്ങള്‍ മൂന്നാംഘട്ടത്തില്‍ ഉള്‍പ്പെടുത്തിയിട്ടുണ്ടെന്നും വ്യക്തമാക്കി.
read also : ‘സമുദ്ര സേതു’ ഇന്ത്യന്‍ രക്ഷാദൗത്യം; ഇറാനില്‍നിന്ന് കപ്പല്‍ പുറപ്പെട്ടു
ദുബായില്‍ നിന്നു കോഴിക്കോട്ടേയ്ക്ക് എയര്‍ഇന്ത്യ എക്സ്പ്രസ് എട്ട് തവണ സര്‍വീസ് നടത്തും. കണ്ണൂര്‍-3, കൊച്ചി-7, തിരുവനന്തപുരം-9 എന്നിങ്ങനെയാണ് സര്‍വീസുകള്‍. അതേസമയം, അബുദാബിയില്‍ നിന്നു കോഴിക്കോട്ടേക്ക് 10 സര്‍വീസുകള്‍ ഉണ്ടാകും. കണ്ണൂര്‍-2, കൊച്ചി-7, തിരുവനന്തപുരം-7 എന്നിങ്ങനെയാണ് വിപുലീകരിച്ച ഷെഡ്യൂളുകള്‍ പ്രകാരമുള്ള സര്‍വീസ്.
Post Your Comments