കോവിഡ് : ഒമാനിൽ മൂന്ന് പേർ കൂടി മരിച്ചു : പുതുതായി രോഗം സ്ഥിരീകരിച്ചത് എണ്ണൂറിലധികം പേർക്ക്

മസ്‌ക്കറ്റ് : ഒമാനിൽ കോവിഡ് ബാധിച്ച് മൂന്ന് പേർ കൂടി ഞായറാഴ്ച്ച മരിച്ചു. 866 പേർക്ക്​ കൂടി കോവിഡ് സ്ഥിരീകരിച്ചു, ഇതിൽ 547 പേരും പ്രവാസികളാണ്​. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 75ഉം, രോഗ ബാധിച്ചവരുടെ എണ്ണം 16882ഉം ആയി.  ​ പുതുതായി ആരും സുഖംപ്രാപിച്ചിട്ടില്ല അതിനാൽ രോഗം ഭേദമായവരുടെ എണ്ണം 3451ൽ നിലനിൽക്കുന്നു. 13356പേരാണ്​ നിലവിൽ അസുഖബാധിതരായിട്ടുള്ളത്​.

Also read : ഇന്ത്യയില്‍ കോ​വി​ഡ് ബാ​ധി​ത​രു​ടെ എ​ണ്ണം ര​ണ്ട​ര ല​ക്ഷം ക​വി​ഞ്ഞു

പുതിയ രോഗികളിൽ 623 പേരും മസ്​കറ്റ് ​ ഗവർണറേറ്റിൽ നിന്നുള്ളവരാണ്. ഇതോടെ മസ്‌ക്കറ്റ് ഗവർണറേറ്റിലെ കോവിഡ്​ ബാധിതരുടെ എണ്ണം 12818 ആയി. 1958 പേർക്കാണ്​ ഇവിടെ അസുഖം ഭേദമായത്​. 2907 പേർക്ക് പരിശോധന നടത്തി. പുതുതായി 68 പേരെ കൂടി പ്രവേശിപ്പിച്ചതോടെ ആശുപത്രികളിൽ ചികിത്സയിലുള്ളവരുടെ എണ്ണം 290 ആയി. ഇതിൽ 75 പേർ തീവ്ര പരിചരണ വിഭാഗത്തിലാണ്​ ചികിത്സയിലുള്ളതെന്നും അധികൃതർ അറിയിച്ചു.