ഗർഭിണിയായ ആന ചരിഞ്ഞ സംഭവത്തില്‍ മനേക ഗാന്ധിയുടെ വിദ്വേഷ പ്രസ്താവനയ്ക്കെതിരെ സംവിധായകന്‍ മിഥുന്‍ മാനുവല്‍ തോമസ് രംഗത്ത്. ഫേസ്ബുക്കിലൂടെയാണ് മിഥുനിന്റെ പ്രതികരണം.കേരളത്തില്‍ നിങ്ങള്‍ ഇപ്പോള്‍ തന്നെ വലിയ കൊമേഡിയന്‍മാരായി മാറിക്കഴിഞ്ഞു. നിങ്ങള്‍ നിങ്ങളുടെ ജാതീയ വിഭജനം നടത്തൂ. ഞങ്ങളെ കൂടുതല്‍ രസിപ്പിക്കൂ. ഈ കൊറോണ പ്രതിസന്ധിക്കാലത്ത് ചിരിക്കാനായി അല്‍പം സമയം കണ്ടെത്തുന്നത് നിങ്ങളിലൂടെയാണെന്നും അദ്ദേഹം പറയുന്നു.
ഫേസ്ബുക്ക് പോസ്റ്റിന്റെ പൂർണരൂപം:
ഡിയര്‍ മനേക മാഡം. കേരളത്തില്‍ നിങ്ങള്‍ ഇപ്പോള്‍ തന്നെ വലിയ കൊമേഡിയന്‍മാരായി മാറിക്കഴിഞ്ഞു. അത് നിങ്ങള്‍ക്ക് ഇതുവരെയും മനസിലായിട്ടില്ലെന്നതാണ് ഇതില്‍ ഏറ്റവും രസകരം. അത് എന്തുകൊണ്ടാണെന്ന് പറഞ്ഞുതരാം. തലമുറകളായി വിദ്യാഭ്യാസവും സാക്ഷരതയും ഞങ്ങള്‍ വലിയ ഗൗരവത്തോടെ തന്നെയാണ് സ്വീകരിച്ചുപോകുന്നത്. എന്നാല്‍ നിങ്ങള്‍ ആ സമയം മറ്റുള്ളവരെ വഞ്ചിക്കാനും വര്‍ഗീയ വിദ്വേഷം പ്രചരിപ്പിക്കുവാനുമാണ് സമയം കണ്ടെത്തുന്നത്. നിങ്ങള്‍ നിങ്ങളുടെ ജാതീയ വിഭജനം നടത്തൂ. ഞങ്ങളെ കൂടുതല്‍ രസിപ്പിക്കൂ. ഈ കൊറോണ പ്രതിസന്ധിക്കാലത്ത് ചിരിക്കാനായി അല്‍പം സമയം കണ്ടെത്തുന്നത് നിങ്ങളിലൂടെയാണ്.
Post Your Comments