ഇവരുടെ ഉള്ളിലെ വർഗ്ഗീയതയുടെ വൈറസ്‌ എത്ര മാരകമാണ്‌? ശക്തമായ നടപടി വേണം – സംവിധായകന്‍ ബി.ഉണ്ണികൃഷ്ണന്‍

കൊച്ചി • ക്ഷേത്രത്തിന് മുന്നില്‍ പള്ളി നിര്‍മ്മിച്ചുവെന്നാരോപിച്ച് മിന്നല്‍ മുരളി സിനിമയുടെ സെറ്റ് തകര്‍ത്തവര്‍ക്കെതിരെ രൂക്ഷ പ്രതികരണവുമായി സംവിധായകനും ഫെഫ്ക ജനറല്‍സെക്രട്ടറിയുമായ ബി.ഉണ്ണികൃഷ്ണന്‍.

വാങ്ങിക്കേണ്ട മുഴുവൻ അനുമതികളും വാങ്ങിച്ചുകൊണ്ട്‌, ലക്ഷങ്ങൾ മുടക്കി നിർമ്മിച്ച മിന്നൽമുരളി എന്ന സിനിമയുടെ സെറ്റാണ്‌ സാമൂഹിക വിരുദ്ധർ തകർത്തത്‌. വാങ്ങിക്കേണ്ട മുഴുവൻ അനുമതികളും വാങ്ങിച്ചുകൊണ്ട്‌, ലക്ഷങ്ങൾ മുടക്കി നിർമ്മിച്ച മിന്നൽമുരളി എന്ന സിനിമയുടെ സെറ്റാണ്‌ സാമൂഹിക വിരുദ്ധർ തകർത്തത്‌. ലോകം മുഴുവനും, വർഗ്ഗ- വർണ്ണ-ജാതി ഭേദമില്ലാതെ മഹാമാരിയെ ചെറുക്കുമ്പോൾ, ഇത്ര അസഹിഷ്ണുതയോടെ ഒരു സിനിമാ സെറ്റ്‌ പൊളിക്ക്കാനായി തുനിഞ്ഞിറങ്ങിയവരുടെ ഉള്ളിലെ വർഗ്ഗീയതയുടെ വൈറസ്‌ എത്ര മാരകമാണെന്നും ഉണ്ണികൃഷ്ണന്‍ ചോദിച്ചു.

ഇവർക്കെതിരെ ശക്തമായ നടപടികൾ ഉണ്ടാവണമെന്ന് സർക്കാരിനോട്‌ ആവശ്യപ്പെട്ട ഉണ്ണികൃഷ്ണന്‍ സിനിമയുടെ സംവിധായകന്‍ ബേസിലിനും, നിര്‍മ്മാതാവ് സോഫിയാ പോളിനും, മിന്നൽ മുരളി ടീമിനും ഐക്യദാർഡ്യം അറിയിക്കുകയും ചെയ്തു.

https://www.facebook.com/Director.Unnikrishnan.B/posts/3135680336499810