തിരയില്‍പ്പെട്ട മകനെ രക്ഷിക്കാനുള്ള ശ്രമത്തിനിടെ കടലില്‍ കാണാതായ ഡബ്ല്യുഡബ്ല്യുഇ മുന്‍ താരത്തിന്റെ മൃതദേഹം കണ്ടെത്തി

ലോസാഞ്ചല്‍സ്: കാണാതായ ഡബ്ല്യുഡബ്ല്യുഇ മുന്‍ സൂപ്പര്‍ താരം ഷാദ് ഗാസ്പാര്‍ഡിന്റെ(39) മൃതദേഹം കണ്ടെത്തി. ഞായറാഴ്ച വൈകിട്ട് വെനീസ് ബീച്ചില്‍ 10വയസുള്ള മകനുമായി കളിച്ചുകൊണ്ടിരിക്കെ തിരയില്‍പ്പെട്ട മകനെ രക്ഷിക്കാനുള്ള ശ്രമത്തിനിടെയാണ് ഗാസ്പാര്‍ഡിനെ കാണാതായത്.  മകന്‍ കനത്ത തിരയില്‍പ്പെട്ടപ്പോള്‍ രക്ഷിക്കാന്‍ ശ്രമിക്കുന്നിതിനിടെ ഗാസ്പാര്‍ഡ് മറ്റൊരു വന്‍ തിരയിൽപ്പെടുകയായിരുന്നു. മകനെ ലൈഫ് ഗാര്‍ഡുകള്‍ രക്ഷിച്ചിരുന്നു. എന്നാല്‍ ഗാസ്പാര്‍ഡിനെ കണ്ടെത്താനായില്ലെന്നും ഇന്നാണ് ഗാസ്പാര്‍ഡിന്റെ മൃതദേഹം കരക്കടിഞ്ഞതെന്ന് ലോസാഞ്ചല്‍സ് പോലീസ് അറിയിച്ചു.

Also read : സൗദിയിൽ കോവിഡ് ബാധിച്ചവരുടെ എണ്ണം 62000കടന്നു, 10 പ്രവാസികള്‍ കൂടി മരണപ്പെട്ടു 

ഡബ്ല്യു ഡബ്ല്യു ഇയിലെ ക്രൈം ടൈം എന്ന് പേരുള്ള ടീമില്‍ ജെടിജിക്കൊപ്പമുളള പ്രകടനങ്ങളിലൂടെയാണ് ഗാസ്പാർഡ് പ്രശസ്തനായത്. 2010ല്‍ ഡബ്ല്യുഡബ്ല്യുഇയില്‍ നിന്ന് വിരമിച്ച ഇദ്ദേഹം പിന്നീട് ടെലിവിഷഷന്‍ പരമ്പരകളിലും സിനിമകളിലും ചെറിയ വേഷങ്ങളില്‍ സജീവമായിരുന്നു. 2015ല്‍ ആരാധകശ്രദ്ധ നേടിയ കെവിന്‍ ഹാര്‍ട്ടിന്റെ ഹാസ്യപരമ്പരയായ ഗെറ്റ് ഹാര്‍ഡിലും ഗാസ്പാര്‍ഡ് വേഷമിട്ടിരുന്നു. അതേസമയം ഗാസ്പാര്‍ഡിനെ കടലില്‍ കാണാതായ സംഭവത്തില്‍ ഞെട്ടല്‍ രേഖപ്പെടുത്തി ഡബ്ല്യു ഡബ്ല്യു ഇ താരങ്ങൾ രംഗത്തെത്തിയിരുന്നു