കയ്യടിക്കടാ..കോഹ്ലി ഹീറോയാടാ മക്കളെ ഹീറോ; കോവിഡ് കാലത്ത് ജനനന്മക്കായി കഷ്ട്ടപ്പെടുന്ന പോലീസിന് വീണ്ടും സഹായഹസ്തവുമായി വിരാട്

മുംബൈ; മുംബൈ പൊലീസിന് സാമ്പത്തിക സഹായവുമായി ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോലിയും ഭാര്യ അനുഷ്‌ക ശര്‍മയും. മുംബൈ സിറ്റി പൊലീസ് കമ്മിഷണര്‍ പരംബീര്‍ സിങ്ങാണ് ഇക്കാര്യം പുറത്ത് വിട്ടത്. നേരത്തെ ഇരുവരും സംഭാവനകൾ നൽകിയതിന് പുറമെയാണിത്.

സൂപ്പർ താരങ്ങളായ ഇരുവരും അഞ്ചു ലക്ഷം രൂപ വീതമാണ് കൊവിഡ് പ്രതിരോധ പ്രവര്‍ത്തനങ്ങളില്‍ ഊര്‍ജസ്വലമായി പ്രവര്‍ത്തിക്കുന്ന മുംബൈ പൊലീസിന് നല്‍കിയത്, മുംബൈ പൊലീസിന്റെ ക്ഷേമപ്രവര്‍ത്തനങ്ങള്‍ക്കായി അഞ്ചു ലക്ഷം രൂപ വീതം സംഭാവന നല്‍കിയ വിരാട് കോലിക്കും അനുഷ്‌ക ശര്‍മയ്ക്കും നന്ദി. കൊറോണ വൈറസിനെതിരായ പോരാട്ടത്തിന്റെ മുന്‍നിരയിലുള്ള ഒരു കൂട്ടമാളുകളുടെ ജീവിതത്തിന് കൂടുതല്‍ സുരക്ഷ നല്‍കാന്‍ ഈ സംഭാവന ഉപകരിക്കുമെന്ന് തീര്‍ച്ച’ പരംബീര്‍ സിങ് ട്വിറ്ററില്‍ കുറിച്ചു.

എന്നാൽ നേരത്തെ, പ്രധാനമന്ത്രിയുടെ കെയേഴ്‌സ് ഫണ്ടിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസ നിധിയിലേക്കും ഇരുവരും തുക വെളിപ്പെടുത്താതെ സംഭാവ നല്‍കിയിരുന്നു.

Thank you, @imVkohli and @AnushkaSharma for contributing Rs. 5 lacs each towards the welfare of Mumbai Police personnel.
Your contribution will safeguard those at the frontline in the fight against Coronavirus.#MumbaiPoliceFoundation

— CP Mumbai Police (@CPMumbaiPolice) May 9, 2020