മത്സ്യബന്ധന ബോട്ടിൽ തീപടർന്ന്, പൊട്ടിത്തെറി : പ്രവാസി തൊഴിലാളിക്കു ഗുരുതരമായി പൊള്ളലേറ്റു

റാസ് അൽ ഖൈമ : മത്സ്യബന്ധന ബോട്ടിൽ തീപടർന്നുണ്ടായ പൊട്ടിത്തെറിയിൽ പ്രവാസി തൊഴിലാളിക്കു ഗുരുതരമായി പൊള്ളലേറ്റു . റാസൽഖൈമയിലെ ഷാം മേഖലയിലായിരുന്നു സംഭവം സ്വദേശിയായ ക്യാപ്റ്റനും 2 തൊഴിലാളികളുമാണ് ബോട്ടിലുണ്ടായിരുന്നത്. തൊഴിലാളികളിലൊരാൾ ഇന്ധനം നിറച്ചശേഷം സ്റ്റാർട്ട് ചെയ്യവെ ഡീസൽ ചോർച്ചയെ തുടർന്ന് എൻജിനിൽ നിന്നു തീപടർന്നു പൊട്ടിത്തെറിക്കുകയായിരുന്നുവെന്നു റാക് ഫിഷർമെൻ അസോസിയേഷൻ ചെയർമാൻ ഖലീഫ അൽ മുഹൈരി പറഞ്ഞു.