തെലങ്കാന : ക്വാറന്റൈൻ കേന്ദ്രത്തിൽ താമസിച്ചത്തിന്റെ പേരിൽ പെൺകുട്ടിയെ തിരികെ ഗ്രാമത്തിലേക്ക് പ്രവേശിപ്പിക്കാത്തതിനെ തുടർന്ന് ആത്മഹത്യയ്ക്ക് ശ്രമിച്ചു. കൊവിഡ് ബാധിക്കുമെന്ന് ഭയന്നാണ് വീട്ടുകാരും ഗ്രാമവാസികളും ചേർന്ന് പി നാഗലക്ഷ്മി എന്ന പെൺകുട്ടിയെ ഗ്രാമത്തിലേക്ക് വരാനുള്ള അനുമതി നിഷേധിച്ചത്. കാർഷിക ഉത്പന്നങ്ങൾ നിർമ്മിക്കുന്നതിനുളള പരിശീലന ക്യാമ്പിൽ പങ്കെടുത്തതിന് ശേഷം മഹാരാഷ്ട്രയിൽ നിന്ന് മടങ്ങിയെത്തിയതായിരുന്നു ഇരുപതുകാരിയായ പെൺകുട്ടി.
എന്നാൽ ലോക്ക് ഡൗൺ നിലനിക്കുന്ന സാഹചര്യത്തിൽ ഖമ്മം വരെ എത്താൻ നാഗലക്ഷ്മിക്ക് സാധിച്ചു. തുടർന്ന് അവിടെയുള്ള ക്വാറന്റൈൻ കേന്ദ്രത്തിൽ താമസിച്ചതിന് ശേഷം കൊവിഡ് പരിശോധന ഫലം നെഗറ്റീവാണെന്ന് കണ്ടതിനെ തുടർന്നാണ് പെൺകുട്ടി ഗ്രാമത്തിലേക്ക് തിരികെ പോയത്. അതേസമയം തിരിച്ചെത്തിയ പെൺകുട്ടിയോടെ ഗ്രാമവാസികൾ മോശമായി രീതിയിൽ പെരുമാറുകയായിരുന്നു. തുടർന്നുള്ള മനോവിഷമം മൂലം പെൺകുട്ടി വാട്ടർടാങ്കിനുള്ളിൽ ചാടി ആത്മഹത്യയ്ക്ക് ശ്രമിക്കുകയായിരുന്നു. എന്നാൽ ഒരു പൊലീസ് ഉദ്യോഗസ്ഥനാണ് പെൺകുട്ടിയെ രക്ഷപ്പെടുത്തിയത്.
.
Post Your Comments