വൈറസിന്റെ ഉത്ഭവം ലാബില്‍ നിന്നുമാണെന്ന വാദം തള്ളി ലോകാരോഗ്യ സംഘടന; മനപ്പൂര്‍വം ആരെങ്കിലും രൂപം നല്‍കിയതല്ലെന്നും റിപ്പോർട്ട്

ജ​നീ​വ: കൊറോണ വൈറസ് പുറത്തുവന്നത് ലാബില്‍ നിന്നുമാണെന്ന വാദം വാസ്തവിരുദ്ധമാണെന്ന് ലോകാരോഗ്യ സംഘടന. സം​ഘ​ട​നാ വ​ക്താവായ ഫ​ദേ​ല ചൈ​ബ് ആണ് ഇക്കാര്യം വ്യക്തമാക്കിയത്. വൈ​റ​സി​നെ ലാബില്‍ വച്ചാണ് സൃ​ഷ്ടി​ച്ചതെന്ന വാദങ്ങൾക്ക് അ​ടി​സ്ഥാ​ന​മാ​കു​ന്ന തെ​ളി​വു​ക​ളൊന്നും ലഭിച്ചിട്ടില്ല. കൊ​റോ​ണ വൈ​റ​സ് വ്യാ​പി​ച്ച​ത് മൃ​ഗ​ങ്ങ​ളി​ല്‍​നി​ന്നാ​ണെ​ന്നും ഈ ​വൈ​റ​സ് ലാ​ബി​ല്‍ സൃ​ഷ്ടി​ച്ച​തോ അതിന് മനപ്പൂര്‍വം ആരെങ്കിലും രൂപം നല്‍കിയതോ അല്ലെന്നും ചൈ​ബ് പറയുകയുണ്ടായി. അതേസമയം ചൈനയിലെ വു​ഹാ​നി​ലെ ലാ​ബി​ല്‍​വച്ച്‌ സൃഷ്ടിച്ചെടുത്ത കൊ​റോ​ണ വൈ​റ​സാണ് ലോ​ക​മെ​ങ്ങും മ​ഹാ​മാ​രി​ക്കി​ട​യാ​ക്കി​യ​തെ​ന്നും ഇത് തെളിഞ്ഞാൽ പ്ര​ത്യാ​ഘാ​തം ഗു​രു​ത​ര​മാ​യി​രി​ക്കു​മെ​ന്നും അമേരിക്ക മുന്നറിയിപ്പ് നൽകിയിരുന്നു.